رەسەي كۋرسك وبلىسىنداعى جاعدايعا بايلانىستى ۇجىمدىق قاۋىپسىزدىك شارتى ۇيىمىنان (ۇقشۇ) اسكەري كومەك سۇراعان جوق، دەپ حابارلايدى “ادىرنا” ۇلتتىق پورتالى NEWS.ru سايتىنا سىلتەپ.
«اسكەري قاقتىعىستىڭ ۇقشۇ-نىڭ جاۋاپكەرشىلىك ايماعىنا ءوتۋى -شيەلەنىستىڭ جاڭا كەزەڭى. ءبىزدىڭ اناليتيكالىق قىزمەتىمىز تاۋلىك بويى جۇمىس ىستەيدى. ءبىز جاعدايدىڭ دامۋىن ءجىتى باقىلاپ وتىرامىز جانە ۇيىم جارعىسىنا سايكەس ارەكەت ەتەمىز. حاتشىلىق پەن رەسەي فەدەراتسياسىنىڭ مۇددەلى مەملەكەتتىك ورگاندارى جوسپارلى تۇردە اقپارات الماسادى. قاجەت بولعان جاعدايدا ۇقشۇ حاتشىلىعى بۇل جاعدايدا كوزدەلگەن بارلىق راسىمدەردى بەلگىلەنگەن مەرزىمدە جۇزەگە اسىرادى»، - دەپ حابارلادى ۇقشۇ ءباسپاسوز قىزمەتى.
ۇقشۇ اسكەري كومەك كورسەتۋ ماسەلەسى ۇيىمعا مۇشە مەملەكەتتىڭ رەسمي ءوتىنىشى بولعان جاعدايدا عانا تۋىنداۋى مۇمكىن دەپ قوستى.
ۇقشۇ-عا قازاقستان، قىرعىزستان، رەسەي، تاجىكستان، وزبەكستان، ارمەنيا جانە بەلارۋس كىرەدى.
بۇعان دەيىن ناتو شتاب-پاتەرىندەگى رەسەيدىڭ بۇرىنعى باس وكىلى، مەملەكەتتىك دۋمانىڭ قورعانىس كوميتەتىنىڭ مۇشەسى، وتستاۆكاداعى گەنەرال-پولكوۆنيك ۆيكتور زاۆارزين قازىرگى ۋاقىتتا وداقتاستاردىڭ كۋرسك ايماعىندا شايقاسقا شىعۋىنا ەشقانداي تالاپ جوق ەكەنىن ايتقان. ونىڭ ايتۋىنشا، ولاردىڭ ارالاسۋى باسقا دا ماسەلەلەرگە تۋىنداتادى.
