رەسەي ۋكرايناعا اسكەري تۇرعىدان سوققى بەردى. بۇل تۋرالى اقش پرەزيدەنتى دونالد ترامپرەسەي باسشىسى ۆلاديمير پۋتينمەن تەلەفون ارقىلى سويلەسكەننەن كەيىن ايتتى، دەپ حابارلايدى «ادىرنا» ءتىلشىسى تاسس-قا سىلتەمە جاساپ.
«مەنىڭشە، اسكەري جاعىنان ۋكراينا جەڭىلىس تاپتى. مۇنى جالعان جاڭالىقتاردى وقىپ وتىرىپ بايقامايسىز»، – دەدى امەريكالىق كوشباسشى.
ترامپتىڭ سوزىنشە، ۋكراينادا بولعان 159 كەمەنىڭ بارلىعى سۋعا باتقان، ال اسكەري ۇشاقتار اتىپ تۇسىرىلگەن.
سونىمەن قاتار ول ۋكرايناداعى جانە يرانمەن بايلانىستى قاقتىعىستار شامامەن ءبىر ۋاقىتتا اياقتالۋى مۇمكىن دەگەن پىكىر ءبىلدىردى.
ايتا كەتەيىك، 29 ساۋىردە رەسەي مەن اقش پرەزيدەنتتەرى ۆلاديمير پۋتين مەن دونالد ترامپتەلەفون ارقىلى سويلەسكەنىن رەسەي پرەزيدەنتىنىڭ كومەكشىسى يۋري ۋشاكوۆ حابارلاعان ەدى. ترامپ ۋكرايناداعى اسكەري قيمىلداردى تەز ارادا توقتاتۋعا شاقىرىپ، ۆاشينگتوننىڭ بۇعان ىقپال ەتۋگە دايىن ەكەنىن مالىمدەدى. ۋشاكوۆتىڭ ايتۋىنشا، اقش وكىلدەرى ماسكەۋ جانە كيەۆپەن ديالوگتى جالعاستىرادى.
