Reseı Kýrsk oblysyndaǵy jaǵdaıǵa baılanysty Ujymdyq qaýipsizdik sharty uıymynan (UQShU) áskerı kómek suraǵan joq, dep habarlaıdy “Adyrna” ulttyq portaly NEWS.ru saıtyna siltep.
«Áskerı qaqtyǵystyń UQShU-nyń jaýapkershilik aımaǵyna ótýi -shıelenistiń jańa kezeńi. Bizdiń analıtıkalyq qyzmetimiz táýlik boıy jumys isteıdi. Biz jaǵdaıdyń damýyn jiti baqylap otyramyz jáne uıym jarǵysyna sáıkes áreket etemiz. Hatshylyq pen Reseı Federaııasynyń múddeli memlekettik organdary josparly túrde aqparat almasady. Qajet bolǵan jaǵdaıda UQShU hatshylyǵy bul jaǵdaıda kózdelgen barlyq rásimderdi belgilengen merzimde júzege asyrady», - dep habarlady UQShU baspasóz qyzmeti.
UQShU áskerı kómek kórsetý máselesi uıymǵa múshe memlekettiń resmı ótinishi bolǵan jaǵdaıda ǵana týyndaýy múmkin dep qosty.
UQShU-ǵa Qazaqstan, Qyrǵyzstan, Reseı, Tájikstan, Ózbekstan, Armenııa jáne Belarýs kiredi.
Buǵan deıin NATO shtab-páterindegi Reseıdiń burynǵy bas ókili, Memlekettik Dýmanyń qorǵanys komıtetiniń múshesi, otstavkadaǵy general-polkovnık Vıktor Zavarzın qazirgi ýaqytta odaqtastardyń Kýrsk aımaǵynda shaıqasqa shyǵýyna eshqandaı talap joq ekenin aıtqan. Onyń aıtýynsha, olardyń aralasýy basqa da máselelerge týyndatady.
