فرانتسيا پرەزيدەنتى ەممانيۋەل ماكرون قىتايعا ءۇش كۇندىك مەملەكەتتىك ساپارمەن باردى، دەپ حابارلايدى «ادىرنا» ءتىلشىسى.
ول ساۋدا ماسەلەلەرىن تالقىلاۋدى، سونداي-اق قحر-دى رەسەيدى ۋكراينامەن اتىستى توقتاتۋعا مۇمكىندىگىنشە تەزىرەك كەلىستىرۋگە شاقىرۋدى جوسپارلاپ وتىر.
ەليسەي سارايىنىڭ حابارلاۋىنشا، ەممانيۋەل ماكرون ەلدەر اراسىنداعى ساۋدا قاتىناستارىندا «تۇراقتى، ورنىقتى ءوسىمدى» جانە ء«ادىل، ءوزارا ءتيىمدى نارىققا قولجەتىمدىلىكتى» قامتاماسىز ەتۋ ءۇشىن تەپە-تەڭدىك ورناتقىسى كەلەدى.
ساپار باعدارلاماسىنا سايكەس، 4 جەلتوقساندا ەممانيۋەل ماكرون بەيجىڭدەگى حالىق جينالىسى ۇيىندە قحر توراعاسى سي تسزينپينمەن كەزدەسەدى، كەيىن تاراپتار بيزنەس-فورۋمعا قاتىسادى. كەلەسى كۇنى دۋتسزيانيان قالاسىندا كەلىسسوزدەر وتكىزۋ جوسپارلانعان.
ەممانيۋەل ماكروندى بيزنەس وكىلدەرىنەن قۇرالعان دەلەگاتسيا ەرتىپ ءجۇر. ونىڭ قۇرامىندا Airbus, EDF جانە Danone سياقتى ءىرى كورپوراتسيا باسشىلارى بار.
ء«بىز قىتايدىڭ رەسەيدى اتىستى بارىنشا تەز توقتاتۋعا كوندىرۋىنە جانە وعان ىقپال ەتۋىنە قول جەتكىزگىمىز كەلەدى. بۇل اتىستى توقتاتۋدى كەلىسسوزدەر ارقىلى بەكىتۋ قاجەت، ال بۇل كەلىسسوزدەر، ءبىزدىڭ ويىمىزشا، ۋكراينا ءۇشىن بەرىك قاۋىپسىزدىك كەپىلدىكتەرىنە اكەلۋى ءتيىس»، — دەپ مالىمدەدى Associated Press اگەنتتىگىنە فرانتسۋز ديپلوماتى.
ايتا كەتەيىك، فرانتسيا پرەزيدەنتى وسىمەن 4-رەت قىتايعا رەسمي ساپارمەن بارىپ وتىر.
