«قازاقستان تەمىر جولى» (قتج) ۇلتتىق كومپانياسى ماڭعىستاۋ وبلىسى، بەينەۋ ستانتسياسىنىڭ جول ديستانتسياسى قىزمەتكەرلەرىنىڭ الەۋمەتتىك جەلىلەرگە جاريالانعان ۆيدەووتىنىشىنەن كەيىن قىزمەتتىك تەكسەرىس جۇرگىزەتىنىن مالىمدەدى، دەپ حابارلايدى “ادىرنا”.
ۆيدەووتىنىشتە تەمىرجولشىلار ىشكى ماسەلەلەرگە سىرتتان ارالاسۋ جاسالعانىنا جانە ماڭعىستاۋ بولىمشەسىنىڭ باسشىلىعىنا شاعىمدانعان.
قتج ءباسپاسوز قىزمەتىنىڭ مالىمەتىنشە، كەيبىر قىزمەتكەرلەر مەن وڭىرلىك بولىمشە باسشىلىعى اراسىنداعى تۇسىنبەۋشىلىكتەن تۋىنداعان.
جان-جاقتى تەكسەرۋ ءۇشىن ورتالىق اپپاراتتان جانە ماگيسترالدىق جەلى ديرەكتسياسى فيليالىنان جۇمىس توبى ماڭعىستاۋ وڭىرىنە جىبەرىلەتىن بولادى. ماماندار وتىنىشتەردە ايتىلعان فاكتىلەردى قاراپ، قىزمەتتىك تەكسەرىس قورىتىندىسىن شىعارادى.
كومپانيا باسشىلىعى جاعدايدى باقىلاۋدا ۇستاپ وتىر. تەكسەرۋ ناتيجەسى بويىنشا ەڭبەك زاڭناماسى مەن ىشكى نورماتيۆتىك اكتىلەرگە سايكەس ءتيىستى ۇيىمداستىرۋشىلىق شەشىمدەر قابىلدانادى.
