قولدانىستاعى قاعيدالار اتا-انالاردىڭ بالالار ارباسىمەن قوعامدىق كولىكتە جۇرۋىنە تىيىم سالمايدى.
اۆتوموبيل كولىگىمەن جولاۋشىلار مەن باگاجدى تاسىمالداۋ قاعيدالارىنا ەنگىزىلگەن وزگەرىستەرگە سايكەس، اۆتوبۋس سالونى شامادان تىس تولعان جاعدايدا، اتا-اناعا ارنالعان بوس ورىن بولعان كەزدە بالالار ارباسىن جينالعان كۇيدە الىپ ءجۇرۋ كوزدەلگەن. بۇل رەتتە كولياسكا جولاۋشىلاردىڭ ەركىن قوزعالۋىنا كەدەرگى كەلتىرمەۋى ءتيىس.
اتالعان تالاپ جولاۋشىلاردىڭ، ونىڭ ىشىندە بالالار مەن ولاردى الىپ جۇرەتىن اتا-انالاردىڭ قاۋىپسىزدىگىن قامتاماسىز ەتۋگە، سونداي-اق اۆتوبۋس سالونىنداعى ەركىن ءوتۋ جولىن ساقتاۋعا باعىتتالعان.
ەگەر اتا-اناعا بالالار ارباسىن جيناۋ قولايسىز بولسا، ول ساپارىن اربانى جايىلعان كۇيىندە جالعاستىرا الادى.
بۇل رەتتە ايىپپۇل سالۋ، جولاۋشىنى اۆتوبۋستان ءتۇسىرۋ نەمەسە وزگە دە سانكتسيالار قولدانۋ كوزدەلمەگەن.
بالالار ارباسىمەن اۆتوبۋستارعا كىرۋگە تىيىم سالىنعانى تۋرالى تارالىپ جاتقان مالىمدەمەلەر شىندىققا سايكەس كەلمەيدى
15.11.2026
199
ۇقساس جاڭالىقتار
پىكىرلەر
