الماتىداعى تەمىرجول ۆوكزالىندا ادامدار جاپپاي ۋلانعان توتەنشە جاعداي تىركەلدى، دەپ حابارلايدى "ادىرنا" ۇلتتىق پورتالى.
بارلىعى 52 ادام زارداپ شەككەنى حابارلاندى. ولاردىڭ ىشىندە بالالار دا بار.
جەلىدە وقيعانىڭ الماتى-2 ۆوكزالىندا بولعانى ايتىلۋدا.
«قازاقستان تەمىر جولى» وقيعا بولعان پويىزدىڭ قتج-عا تيەسىلى ەمەس ەكەنىن مالىمدەدى.
كومپانيانىڭ دەرەگىنشە، قۇرام جەكە كومپانياعا تيەسىلى جانە ءتۇسىرىلىم جۇمىستارى ءۇشىن كينوستۋدياعا بەرىلگەن.
زارداپ شەككەندەر قالاداعى ستاتسيونارلارعا جەتكىزىلىپ، قاجەتتى مەديتسينالىق تەكسەرۋدەن ءوتتى. 10 بالا اۋرۋحاناعا جاتقىزىلدى، ولاردىڭ ەكەۋى جانساقتاۋ بولىمىندە جاتىر. قالعاندارى ءپروفيلدى بولىمشەلەردە ەم قابىلداۋدا.
ەرەسەك ناۋقاستار تەكسەرىستەن كەيىن امبۋلاتورلىق ەم قابىلداۋ ءۇشىن ۇيلەرىنە جىبەرىلدى.
ۇقساس جاڭالىقتار
