«Qazaqstan temır joly» (QTJ) ūlttyq kompaniiasy Maŋǧystau oblysy, Beineu stansiiasynyŋ jol distansiiasy qyzmetkerlerınıŋ äleumettık jelılerge jariialanǧan videoötınışınen keiın qyzmettık tekserıs jürgızetının mälımdedı, dep habarlaidy “Adyrna”.
Videoötınışte temırjolşylar ışkı mäselelerge syrttan aralasu jasalǧanyna jäne Maŋǧystau bölımşesınıŋ basşylyǧyna şaǧymdanǧan.
QTJ baspasöz qyzmetınıŋ mälımetınşe, keibır qyzmetkerler men öŋırlık bölımşe basşylyǧy arasyndaǧy tüsınbeuşılıkten tuyndaǧan.
Jan-jaqty tekseru üşın ortalyq apparattan jäne magistraldyq jelı direksiiasy filialynan jūmys toby Maŋǧystau öŋırıne jıberıletın bolady. Mamandar ötınışterde aitylǧan faktılerdı qarap, qyzmettık tekserıs qorytyndysyn şyǧarady.
Kompaniia basşylyǧy jaǧdaidy baqylauda ūstap otyr. Tekseru nätijesı boiynşa eŋbek zaŋnamasy men ışkı normativtık aktılerge säikes tiıstı ūiymdastyruşylyq şeşımder qabyldanady.
