وزبەكستاندا شاعىن بيزنەستى تەكسەرۋگە ءۇش جىل مەرزىمگە موراتوري ەنگىزىلدى. ءتيىستى جارلىققا پرەزيدەنت 27 تامىزدا قول قويدى. بۇل تۋرالى وزبەكستان رەسپۋبليكاسى ادىلەت مينيسترلىگى حابارلادى، دەپ جازادى "ادىرنا".
موراتوريگە قىلمىستىق ىستەر اياسىنداعى تەكسەرۋلەر، دەنساۋلىق ساقتاۋ جانە ەڭبەك زاڭناماسى ماسەلەلەرى، ازاماتتاردىڭ وتىنىشتەرى، ققس-تى قايتارۋ جانە بيزنەستى تاراتۋعا بايلانىستى تەكسەرۋلەر كىرمەيدى.
موراتوري قولدانىلاتىن كەزەڭدە زاڭسىز جۇرگىزىلگەن تەكسەرۋلەر قۇقىق بۇزۋشىلىق بولىپ سانالادى، ال كىنالى تۇلعالار جاۋاپكەرشىلىككە تارتىلادى.
سونىمەن قاتار، بيزنەس-ومبۋدسمان ء«تيىمدى باقىلاۋ» شاراسىن جۇرگىزەدى. ونىڭ اياسىندا سوڭعى ءۇش جىلدا شاعىن بيزنەسكە قاتىستى جۇرگىزىلگەن تەكسەرۋلەردىڭ ماتەريالدارى زەردەلەنىپ، زاڭ بۇزۋشىلىقتار انىقتالعان جاعدايدا ءتيىستى شارالار قابىلدانادى.
