جامبىل وبلىسىندا جاڭا تيپتىك ۇلگىدەگى 40 ۆەتەريناريالىق پۋنكتىڭ قۇرىلىسى جۇرۋدە. ونىڭ العاشقىسى بايزاق اۋدانىندا پايدالانۋعا بەرىلدى.
جالپى، وڭىردە 75 ۆەتەريناريالىق پۋنكتتىڭ قاجەتتىلىگى انىقتالعان. وسى ماسەلەنى شەشۋ ماقساتىندا بيىل ەمدەۋ الاڭدارى بار، بىرىڭعاي جاڭا تيپتىك ۇلگىدەگى 40 ۆەتەريناريالىق پۋنكتتىڭ قۇرىلىسىن جۇرگىزۋ جوسپارلانعان، ونىڭ 20-سى مەملەكەتتىك-جەكەمەنشىك ارىپتەستىك اياسىندا سالىنۋدا.
2026 جىلى 35 عيمارات قۇرىلىسى جۇرگىزىلەدى دەپ كۇتىلۋدە.
اۋىل شارۋاشىلىعى ۆيتسە-ءمينيسترى امانعالي بەرداليننىڭ ايتۋىنشا، جامبىل وبلىسى ۆەتەريناريا سالاسىنا جاڭاشىلدىقتار ەنگىزۋ بويىنشا وڭىرلەر اراسىندا كوش باستاپ تۇر. اسىرەسى، ۆەتەريناريالىق پۋنكتتەر سالۋ جوباسى تيىمدىلىگىن كورسەتىپ وتىر.
ايتا كەتۋ كەرەك، وبلىستا 2025 جىلى ۆەتەريناريا سالاسىن دامىتۋعا 4,6 ملرد تەڭگە ءبولىندى، بۇل وتكەن جىلمەن سالىستىرعاندا 9 پايىزعا ارتىق.
سالادا 1 055 مامان ەڭبەك ەتەدى، سوڭعى ەكى جىلدا جۇمىسشىلاردىڭ جالاقىسى 30 پايىزعا ءوستى.
ۆەتەريناريالىق ستانتسيالاردا 316 قىزمەتتىك تەحنيكا بار. بيىل وبلىستىق بيۋدجەت ەسەبىنەن 50 جاڭا اۆتوكولىك ساتىپ الىندى.
بۇدان بولەك، ۆەتەرينارلار 160 دانا تەرموسومكەمەن قامتاماسىز ەتىلدى. 29 ملن تەڭگەگە ماۋسىمدىق قىزمەتتىك كيىم ساتىپ الۋ كوزدەلىپ وتىر.
وبلىس اۋماعىندا 48 بيوتەرميالىق شۇڭقىر بار. اعىمداعى جىلى 25 شۇڭقىر قۇرىلىسىن جۇرگىزۋ جوسپارلانىپ، 13-ءنىڭ قۇرىلىسى قارقىن العان. قالعان 12 شۇڭقىردىڭ جەر تەلىمى ناقتىلانۋدا.
