فوتو جي كومەگىمەن جاسالعان
NVIDIA كومپانياسىنىڭ باس ديرەكتورى دجەنسەن حۋانگ قىزمەتىنەن كەتىپ، ديرەكتورلار كەڭەسىنىڭ قۇرامىنان شىعادى. بۇل تۋرالى كومپانيانىڭ رەسمي سايتىنداعى مالىمدەمەدە ايتىلعان، دەپ حابارلايدى "ادىرنا".
باس ديرەكتوردىڭ مىندەتىن ۋاقىتشا كومپانيانىڭ قارجى ديرەكتورى كولەتت كرەسس اتقارادى. ول قارجى ديرەكتورى قىزمەتىن دە جالعاستىرادى. ال ديرەكتورلار كەڭەسى جاڭا تۇراقتى باسشىنى ىزدەۋگە كىرىسكەن. ۇمىتكەرلەر قاتارىندا كومپانيانىڭ ىشكى ماماندارى مەن سىرتتان شاقىرىلاتىن كانديداتتار بار.
سونىمەن قاتار NVIDIA ديرەكتورلار كەڭەسى تاريحىندا العاش رەت كەڭەس توراعاسى تاعايىندالدى. بۇل قىزمەتكە بۇعان دەيىن Synopsys كومپانياسىنىڭ باس ديرەكتورى ءارى ديرەكتورلار كەڭەسىنىڭ اتقارۋشى توراعاسى بولعان كاسىپكەر جانە ينۆەستور حارۆي دجونس كەلدى.
كومپانيا مالىمدەمەسىندە جۇمىس ۇدەرىسى قالىپتى جالعاساتىنى ايتىلعان. اتاپ ايتقاندا، كليەنتتەر الدىنداعى مىندەتتەمەلەر ورىندالىپ، ونىمدەردى ازىرلەۋ مەن شىعارۋ جوسپارى جۇزەگە اسىرىلادى. NVIDIA وكىلدەرى دجەنسەن حۋانگقا كومپانيا مەن تەحنولوگيا سالاسىنىڭ دامۋىنا قوسقان ۇلەسى ءۇشىن العىس ءبىلدىردى.
ايتا كەتەيىك، NVIDIA — 1993 جىلى قۇرىلعان امەريكالىق تەحنولوگيالىق كومپانيا.
بۇعان دەيىن NVIDIA باسشىسىنىڭ اقش ارنايى قىزمەتتەرى قىتاي بارلاۋ اگەنتى دەپ سانايتىن ايەلمەن بايلانىسى بولعانى تۋرالى اقپارات تاراعان. كەيىن دجەنسەن حۋانگ نەكەدەگى ادالدىقتى بۇزعانىن مويىنداپ، وتباسى مەن كومپانيا قىزمەتكەرلەرىنەن كەشىرىم سۇراعانى حابارلاندى.
