Jambyl oblysynda jaŋa tiptık ülgıdegı 40 veterinariialyq punktıŋ qūrylysy jürude. Onyŋ alǧaşqysy Baizaq audanynda paidalanuǧa berıldı.
Jalpy, öŋırde 75 veterinariialyq punkttıŋ qajettılıgı anyqtalǧan. Osy mäselenı şeşu maqsatynda biyl emdeu alaŋdary bar, bıryŋǧai jaŋa tiptık ülgıdegı 40 veterinariialyq punkttıŋ qūrylysyn jürgızu josparlanǧan, onyŋ 20-sy memlekettık-jekemenşık ärıptestık aiasynda salynuda.
2026 jyly 35 ǧimarat qūrylysy jürgızıledı dep kütılude.
Auyl şaruaşylyǧy vise-ministrı Amanǧali Berdalinnıŋ aituynşa, Jambyl oblysy veterinariia salasyna jaŋaşyldyqtar engızu boiynşa öŋırler arasynda köş bastap tūr. Äsıresı, veterinariialyq punktter salu jobasy tiımdılıgın körsetıp otyr.
Aita ketu kerek, oblysta 2025 jyly veterinariia salasyn damytuǧa 4,6 mlrd teŋge bölındı, būl ötken jylmen salystyrǧanda 9 paiyzǧa artyq.
Salada 1 055 maman eŋbek etedı, soŋǧy ekı jylda jūmysşylardyŋ jalaqysy 30 paiyzǧa östı.
Veterinariialyq stansiialarda 316 qyzmettık tehnika bar. Biyl oblystyq biudjet esebınen 50 jaŋa avtokölık satyp alyndy.
Būdan bölek, veterinarlar 160 dana termosömkemen qamtamasyz etıldı. 29 mln teŋgege mausymdyq qyzmettık kiım satyp alu közdelıp otyr.
Oblys aumaǧynda 48 biotermiialyq şūŋqyr bar. Aǧymdaǧy jyly 25 şūŋqyr qūrylysyn jürgızu josparlanyp, 13-nıŋ qūrylysy qarqyn alǧan. Qalǧan 12 şūŋqyrdyŋ jer telımı naqtylanuda.
