فوتو: بەينەدەن سكرين
الەۋمەتتىك جەلىلەردە «سامۇرىق-قازىنا» اق باسقارما توراعاسى نۇرلان جاقىپوۆ پەن «قازاقستان تەمىر جولى» ۇك» اق باسشىسى ەلجاس وتىنشيەۆتىڭ ۇستالعان ءساتى بەينەلەنگەن فوتو جانە ۆيدەولار تارادى، دەپ حابارلايدى “ادىرنا”.
تاراعان كادرلاردىڭ بىرىندە نۇرلان جاقىپوۆقا ۇقسايتىن ەر ادامنىڭ ءۇي كيىمىمەن ەسىك الدىندا تۇرعانى كورىنەدى. ال ونىڭ الدىندا قۇقىق قورعاۋ ورگاندارىنىڭ قىزمەتكەرلەرى بولۋى مۇمكىن بىرنەشە ادام بار. وقيعا بەينەجازباعا تۇسىرىلگەن.
ال باسقا كادرلاردا ەلجاس وتىنشيەۆ دەپ كورسەتىلگەن ەر ادامدى ازاماتتىق كيىمدەگى بىرنەشە ادامنىڭ كوشەدە الىپ بارا جاتقانى بايقالادى.
ازىرگە فوتو جانە ۆيدەولاردىڭ قايدان تاراعانى، ولاردى كىم تۇسىرگەنى بەلگىسىز.
ەسكە سالايىق، 12 قاراشادا ۇلتتىق قاۋىپسىزدىك كوميتەتى 11 قاراشادا سىبايلاس جەمقورلىققا قارسى قىزمەت «سامۇرىق-قازىنا» اق باسقارما توراعاسى نۇرلان جاقىپوۆتى، «قازاقستان تەمىر جولى» ۇك» اق باسشىسى ەلجاس وتىنشيەۆتى جانە وزگە دە تۇلعالاردى ۇستاعانىن راستادى.
