جامبىل وبلىسىندا قىزمەتتىك كولىكتە پاترۋلدەۋ كەزىندە پوليتسيا قىزمەتكەرى ارىپتەسىنە وق اتىپ، جاراقاتتادى، دەپ حابارلايدى "ادىرنا" ۇلتتىق پورتالى.
جۋرناليست ميحايل كوزاچكوۆ ءوزىنىڭ Telegram-ارناسىندا اقپاراتتى جاريالادى.
«بۇگىن جامبىل وبلىسىندا پوليتسەي قىزمەتتىك كولىكتە كەلە جاتىپ، ارىپتەسىنە وق اتتى»، – دەپ جازدى ول.وبلىستىق پد ءباسپاسوز قىزمەتى بۇل اقپاراتتى راستاعان.
«2024 جىلعى 16 قاراشادا قىزمەتتىك كولىكتە قىزمەتتىك اۋماقتى پاترۋلدەۋ كەزىندە قارۋدى ابايسىز قولدانۋ سالدارىنان پوليتسەيدىڭ ءبىرى ارىپتەسىنىڭ ارقاسىنا كەزدەيسوق وق اتتى»، – دەپ مالىمدەدى ۆەدومستۆو وكىلدەرى.قۇقىق قورعاۋ ورگاندارى قىزمەتتىك مىندەتتەرىن ورىنداۋ كەزىندە جىبەرىلگەن سالعىرتتىق فاكتىسى بويىنشا قىلمىستىق ءىس قوزعاعان. زارداپ شەككەن قىزمەتكەر قازىر كورداي اۋداندىق اۋرۋحاناسىنا جاتقىزىلدى.
ۇقساس جاڭالىقتار
