فوتو جي كومەگىمەن جاسالدى
قازاقستاننىڭ «قازترانسويل» ۇلتتىق كومپانياسى 2026 جىلعى قاڭتار-قازان ايلارى ارالىعىندا اقتاۋ تەڭىز پورتى ارقىلى باكۋ – تبيليسي – جەيھان (بتج) مۇناي قۇبىرى باعىتىنا 1 ميلليون 321 مىڭ توننا مۇناي جونەلتتى، دەپ حابارلايدى "ادىرنا" ۇلتتىق پورتالى.
بۇل تۋرالى Report حابارلادى.
كومپانيا وتكەن جىلدىڭ سايكەس كەزەڭىندەگى جونەلتۋ كولەمى تۋرالى مالىمەت جاريالاماعان.
وسى جىلدىڭ العاشقى ون ايىندا «قازترانسويل» ينفراقۇرىلىمىن پايدالانا وتىرىپ، اقتاۋ پورتىندا تانكەرلەرگە 2 ميلليون 922 مىڭ توننا مۇناي تيەلگەن. بۇل وتكەن جىلدىڭ وسى كەزەڭىمەن سالىستىرعاندا 11 پايىزعا جۋىق كوپ.
ەسەپتى كەزەڭدە كومپانيا ماگيسترالدىق مۇناي قۇبىرلارى جۇيەسى ارقىلى 38 ميلليون 306 مىڭ توننا مۇناي تاسىمالداعان. كورسەتكىش ءبىر جىلدا 4,6 پايىزعا وسكەن.
ەنەرگەتيكا مينيسترلىگىنىڭ بولجامى بويىنشا، 2026 جىلدىڭ قورىتىندىسىندا قازاقستاننان بتج جۇيەسىنە جەتكىزىلەتىن مۇناي كولەمى شامامەن 1,6 ميلليون تونناعا جەتەدى. الداعى ۋاقىتتا بۇل كورسەتكىشتى كەزەڭ-كەزەڭىمەن 2,2 ميلليون تونناعا دەيىن ارتتىرۋ جوسپارلانىپ وتىر.
ايتا كەتەيىك، 2025 جىلى قازاقستان باكۋ – تبيليسي – جەيھان مۇناي قۇبىرى ارقىلى 1,2 ميلليون توننا مۇناي ەكسپورتتاعان.
