الماتىدا 16-شى مارشرۋتتاعى اۆتوبۋستا رايىمبەك داڭعىلىمەن كەلەمىز، سايران كولىنە جاقىن قالدىق. جول بويىندا كەپتەلىس. شاماسى، الدىمىزداعى جەڭىل كولىك دۇرىس جۇرمەي كەلە جاتسا كەرەك، ايداۋشى سوعان تەرەزەدەن قاراپ، بىرنەشە رەت ايقايلادى. ءسوزىنىڭ سياعى ونىڭ نەگە تىم باياۋ ءجۇرىپ كەلە جاتقانىنا رەنىشتى بىلدىرەدى. بىراق جۇرگىزۋشى سول ريزا ەمەستىگىنىڭ دەنىن ورىستىڭ نەشە ءتۇرلى بوكتىق سوزدەرىمەن جەتكىزىپ جاتىر. داۋسى جەر جارادى. ال اۆتوبۋس ءىشى - تولعان ادام. ىشىندە قازاق تا، قايمانا دا، ورىس تا، ورمان دا، جاس تا، كارى دە، ايەل دە، ەركەك تە - ءبارى بار. بۇلاردىڭ اراسىندا سىرت جاقتان، شەت ەلدەن كەلگەندەر دە بولۋلارى مۇمكىن...
مۇنى جازباسا دا بولار ەدى. الايدا وسىندا وتىرعان باسقا جۇرتتار قازاقتىڭ مادەنيەتىن تاپ وسى ايداۋشىنىڭ القىمىنا قاراپ باعالاي سالاتىنى دا جاسىرىن ەمەس. سوعان وراي ول بۇل جەردە ءبىزدىڭ دە نامىسىمىزدى تاپتاپ وتىر. سوندىقتان بۇعان ۇندەمەي قويا سالماساق كەرەك.
ادەتتە اۆتوبۋس جۇرگىزۋشىلەرىندە شەبەرلىكتەن بولەك، مادەني دەڭگەي دە جوعارى بولۋى ءتيىس. تىم قۇرىعاندا، سىپايىلىق سەرىگى بولۋى قاجەت. جۇمىسقا قابىلداعان كەزدەرىندە وسى جاعى دا قاتاڭ ەسكەرىلۋى كەرەك.
بۇعان الماتى قالالىق كولىك باسقارماسىنداعىلار نە دەر ەكەن؟ الدە بۇلارعا ءبارىبىر مە؟!
اۋزىنان اق يت كىرىپ، كوك يت شىعاتىنداردى بۇلار قايدان تاۋىپ الادى؟
ايتقانداي، اۆتوبۋستىڭ ءنومىرى: 592 ەت 02
Serik Pirnazar
