برازيليانىڭ سان-پاۋلۋ قالاسىندا King Air F90 ۇلگىسىندەگى ەكى قوزعالتقىشتى جەكەمەنشىك ۇشاق جولعا قۇلاپ، جولاۋشىلار اۆتوبۋسى مەن بىرنەشە كولىككە سوقتىعىستى، دەپ حابارلايدى "ادىرنا" ۇلتتىق پورتالى CNN-گە سىلتەپ.
قالالىق ءورت ءسوندىرۋ قىزمەتىنىڭ حابارلاۋىنشا، اپات سالدارىنان ەكى ادام قازا تاۋىپ، تاعى ەكەۋى جاراقات العان.
وقيعا اۆەنيدا ماركەس دە سان-ۆيسەنتە تاس جولىندا ورىن العان. G1 پورتالىنىڭ مالىمەتىنشە، ۇشاق اپاتقا دەيىن شۇعىل قونۋعا ارەكەتتەنگەن، الايدا باسقارۋدى جوعالتىپ، جول ۇستىنە قۇلاعان. مينيستر گۋلەرم دەرريتتىڭ ايتۋىنشا، اۋە كەمەسىندە ەكى ادام بولعان.
ءورت ءسوندىرۋ قىزمەتى اپاتتى اۋىزدىقتاۋعا ون ءبىر تەحنيكا مەن بىرنەشە ءورت ءسوندىرۋشىنى جۇمىلدىردى. قازىرگى تاڭدا وقيعاعا قاتىستى تەرگەۋ جۇرگىزىلۋدە.
