Almatyda 16-şy marşruttaǧy avtobusta Raiymbek daŋǧylymen kelemız, Sairan kölıne jaqyn qaldyq. Jol boiynda keptelıs. Şamasy, aldymyzdaǧy jeŋıl kölık dūrys jürmei kele jatsa kerek, aidauşy soǧan terezeden qarap, bırneşe ret aiqailady. Sözınıŋ siiaǧy onyŋ nege tym baiau jürıp kele jatqanyna renıştı bıldıredı. Bıraq jürgızuşı sol riza emestıgınıŋ denın orystyŋ neşe türlı boktyq sözderımen jetkızıp jatyr. Dausy jer jarady. Al avtobus ışı - tolǧan adam. Işınde qazaq ta, qaimana da, orys ta, orman da, jas ta, kärı de, äiel de, erkek te - bärı bar. Būlardyŋ arasynda syrt jaqtan, şet elden kelgender de bolulary mümkın...
Mūny jazbasa da bolar edı. Alaida osynda otyrǧan basqa jūrttar qazaqtyŋ mädenietın tap osy aidauşynyŋ alqymyna qarap baǧalai salatyny da jasyryn emes. Soǧan orai ol būl jerde bızdıŋ de namysymyzdy taptap otyr. Sondyqtan būǧan ündemei qoia salmasaq kerek.
Ädette avtobus jürgızuşılerınde şeberlıkten bölek, mädeni deŋgei de joǧary boluy tiıs. Tym qūryǧanda, sypaiylyq serıgı boluy qajet. Jūmysqa qabyldaǧan kezderınde osy jaǧy da qataŋ eskerıluı kerek.
Būǧan Almaty qalalyq kölık basqarmasyndaǧylar ne der eken? Älde būlarǧa bärıbır me?!
Auzynan aq it kırıp, kök it şyǧatyndardy būlar qaidan tauyp alady?
Aitqandai, avtobustyŋ nömırı: 592 ET 02
Serik Pirnazar
Ūqsas jaŋalyqtar
