بۇگىن تۇڭعىش پرەزيدەنت ساياباعىنا بارىپ ىشىنە كىرە الماي، قاسىنداعى كانالدى بويلاپ قىدىرىستاپ قايتتىم. قازىر مۇندا كۇردەلى جوندەۋ جۇمىستارى ءجۇرىپ جاتىر. سوعان وراي بارلىق ەسىگىن تارس جاۋىپ تاستاپتى.
ەرتەدە بۇل جەر تاۋ ەتەگىندەگى سوۆحوزداردىڭ ءبىرىنىڭ قۇلپىناي وسىرەتىن باۋ-باقشاسى بولاتىن.
توقسانىنشى جىلداردىڭ قيىن شاعىندا بالالاردى ەرتىپ بارىپ، شارۋاشىلىققا دا قولقابىسىمىزدى تيگىزىپ، وزىمىزگە دە تيەسىلى نەسىبەمىزدى تەرىپ قايتاتىنبىز. بالالار ەڭبەكتىڭ نە ەكەندىگىن ءبىلىپ ءوسسىن دەگەنىمىز عوي. ال ودان ءبىز دە شارشاپ قالعان جوقپىز،
ەندى تاۋەلسىزدىككە قول جەتكىزىپ ءھام ءوز قولىمىز ءوز اۋىزىمىزعا جەتە باستاعان شاقتا وسى جەردە تۇڭعىش پرەزيدەنت ساياباعى اشىلعان. دۇرىس قوي ەڭبەگى ەسكەرىلگەنى دەسكەنبىز ءبارىمىز دە. سونسوڭ مۇندا ەلباسىنىڭ ەسكەرتكىشى ورناتىلعان. ەندى ءتىرى ادامعا ەسكەرتكىش اشىلعانى قالاي دەپ ويلانىپ قالعانبىز. ال ودان كەيىنگى وقيعالاردى وزدەرىڭىز دە بىلەسىزدەر، سوندىقتان سونىڭ ءبارىن تىزبەكتەپ ايتپاي-اق قويايىن.
وسى ساياباق جىل اياعىنا دەيىن ءوز ءمانى مەن سانىندە قايتادان جاڭارتىلىپ اشىلاتىن سەكىلدى. سوعان وراي ءوز تاراپىمنان مىناداي ۇسىنىس ايتسام دەيمىن. ياعني، جاڭارتىلىپ اشىلايىن دەپ جاتقان ساياباققا الاش ساياباعى دەگەن ات بەرىلسە دەيمىن. ولاي بولماعان جاعدايدا تاۋەلسىزدىك ياكي رەسپۋبليكا ساياباعى دەگەن دە ۇسىنىسىم بار. جاڭا قازاقستانعا، جاڭارىپ جاتقان ساياباققا وسى اتاۋلاردىڭ ءبىرى لايىق پا دەيمىن. ال سىزدەر نە دەيسىزدەر؟!
