قازاقستان بالا قۇقىقتارى جونىندەگى ۋاكىل دينارا زاكيەۆا الەۋمەتتىك جەلىدە الماتى ماڭىنداعى ساۋدا ورتالىعىندا بالانى تەپكەن شەتەلدىكتىڭ ماسەلەسى جايلى مالىمدەمە جاسادى، دەپ حابارلايدى "ادىرنا".
“بۇل جايت "بۇزاقىلىق" بابى بويىنشا تىركەلدى. ارەكەتتى جاساعان ادام ۇستالىپ، ۋۇي-نا قاماۋعا الىندى. الماتى وبلىسى ءىىم پد-مەن بايلانىستامىن. بۇل فاكت بويىنشا سوت شەشىمى كۇشىنە ەنگەننەن كەيىن تۇلعانى قر شەكاراسىنان شىعارۋعا باعىتتالعان سوت پروتسەسى باستالادى (جازاسىن مۇندا وتەگەننەن كەيىن)”، – دەدى زاكيەۆا.
سونداي-اق، ول قازىرگى تاڭدا زاڭنامادا بالالارعا قاتىستى قىلمىستىڭ وسىنداي قۇرامىنا بايلانىستى باپ جوق ەكەنىن اتاپ ءوتتى.
“ناتيجەسىندە تۇلعا جاۋاپقا «كامەلەتكە تولماعانعا قاتىستى جاسالعان ءىس-ارەكەت» دەگەن اۋىرلاتۋشى بىلىكتىلىك بەلگىسى دە جوق «بۇزاقىلىق» بابى بويىنشا تارتىلادى. وسىعان بايلانىستى ءبىز قازىر قر ءىىم-مەن بىرلەسىپ، زاڭناماعا بالالارعا جاسالعان زورلىق-زومبىلىققا قاتىستى ءتيىستى باپتاردى ەنگىزۋمەن جۇمىس ىستەپ جاتىرمىز. جالپى، تۇزەتۋلەر بالالاردىڭ قاۋىپسىزدىگىن قامتاماسىز ەتۋگە قاتىستى ءارتۇرلى سالامەن بايلانىستى. زاڭناماعا ۇسىنىستار پاكەتىن قر پارلامەنتىنە وسى كۇزدە بەرۋدى جوسپارلاپ وتىرمىز”، – دەيدى ومبۋدسمەن.
ەسكە سالايىق، بۇدان بۇرىن الماتى وبلىسىنىڭ قاراساي اۋدانىندا ساۋدا ورتالىعىندا تۇركيا ازاماتى 4 جاسار قىز بالانى تەۋىپ قۇلاتقانى حابارلانعان.
