الماتىلىق وقۋشىلار ساۋنا عيماراتىندا ورنالاسقان لاگەردە دەمالۋعا ءماجبۇر بولعان، دەپ حابارلايدى “ادىرنا”.
وسال جانە از قامتىلعان وتباسىدان شىققان الماتىلىق بالالار لاگەردە دەمالۋعا جىبەرىلگەن. ساۋنا عيماراتىندا ورنالاسقان لاگەر “ارمان دالا” دەپ اتالادى.
الەۋمەتتىك جەلىدە جاريالانعان ۆيدەودا بالالاردىڭ ءبارى بىرگە جەلدەتىلمەيتىن بولمەدە ءارى ەدەندە ۇيىقتاپ جاتقاندىعى تارالعان. جەلدەي ەسكەن اقپاراتقا نازار سالساق بارلىق ۇيالى تەلەفوندار الىنعان، ەشقانداي بالا اتا-اناسىمەن بايلانىسا المايدى ەكەن.
اتا-انالاردان شاعىم تۇسكەننەن سوڭ الماتى قالالىق ءبىلىم باسقارماسىنىڭ قىزمەتكەرلەرى شۇعىل تۇردە «ارمان دالاعا» اتتاندى. جاۋاپتى «بەلريچي» جشس-نى جوسىقسىز جەتكىزۋشى دەپ تانۋ جانە ودان ءارى مەملەكەتتىك ساتىپ الۋعا قاتىسۋعا تىيىم سالۋ تۋرالى سوتقا تالاپ ارىز دايىندالىپ جاتقانى حابارلاندى.
قازىرگى تاڭدا ءبىلىم باسقارماسى قوعامدىق كەڭەسپەن بىرلەسىپ، جۇمىس توبىن قۇردى. قۇرامىندا اتا-انالار قوعامداستىعى، قالالىق پروكۋراتۋرا جانە بارلىق مۇددەلى ورگانداردىڭ وكىلدەرى بار. جۇمىس توبى ەلدەگى لاگەرلەر مونيتورينگىنىڭ ناتيجەلەرى تۋرالى ۇنەمى ەسەپ بەرىپ وتىرۋى مىندەتتەلگەن.
