اتىراۋ وبلىسىندا مۇناي سكۆاجينالارى سۋعا كەتە باستادى

اتىراۋ وبلىسىندا ەكى مۇناي-گاز كەنىشىندەگى ءتورت ۇڭعىما سۋ استىندا قالدى، دەپ حابارلايدى “ادىرنا” ۇلتتىق پورتالى. «قازىر اتىراۋ وبلىسىندا 4 ۇڭعىما سۋ استىندا قالدى: «شىعىس ۋاز» كەن ورنىندا، 3 ۇڭعىما: № 101, № 106, № 116 («ەمبىمۇنايگاز» اق، «قاينارمۇنايگاز» مگوب) - توپىراقتى تولتىرۋ جۇمىستارى جۇرگىزىلۋدە. بوگەت جانىنا توسەلگەن قۇم سالىنعان قاپتاردى كوبەيتۋ، سونداي-اق نب-50 سورعىسىمەن ساعىز وزەنىنە سۋ ايداۋ ء(تورت ادام مەن ەكى بىرلىك ارنايى تەحنيكا جۇمىسىن جالعاستىرۋدا); جاڭا ماقات كەن ورنىندا 1 ۇڭعىما – № ە7 («5ا ويل» جشس) – جاعالاۋلاردى بوگەۋ، قالپىنا كەلتىرۋ جۇمىستارى اياقتالدى»، - دەپ حابارلادى جۇما كۇنى تجم ونەركاسىپتىك قاۋىپسىزدىك كوميتەتىنىڭ دەپارتامەنتى. ۆەدومستۆونىڭ حابارلاۋىنشا، بۇل ۇڭعىمالار ۋاقىتىلى توقتان اجىراتىلىپ، گەرمەتيزاتسيالانعان. «وبلىستىڭ قالعان كەن ورىندارىنداعى جاعداي تۇراقتى جانە ءجىتى باقىلاۋدا»، - دەلىنگەن حابارلامادا. بۇعان دەيىن، ءساۋىردىڭ 11-ءى كۇنى «گلوبۋس» ورتالىعىنىڭ ديرەكتورى گالينا چەرنوۆا پرەمەر-ءمينيستردىڭ ورىنباسارى قانات بوزىمباەۆقا اتىراۋداعى مۇناي-گاز جانە باسقا دا قاۋىپتى نىسانداردى سۋ باسۋ قاۋپى بارىن حابارلاعان بولاتىن. كەيىننەن ەكولوگيا جانە تابيعي رەسۋرستار مينيسترلىگى اتىراۋداعى مۇناي-گاز جانە باسقا دا نىساندارعا سۋ تاسقىنىنان قاۋىپ ءتونىپ تۇرعان جوق دەپ مالىمدەگەن ەدى.