Atyrau oblysynda ekı mūnai-gaz kenışındegı tört ūŋǧyma su astynda qaldy, dep habarlaidy “Adyrna” ūlttyq portaly.
«Qazır Atyrau oblysynda 4 ūŋǧyma su astynda qaldy: «Şyǧys Uaz» ken ornynda, 3 ūŋǧyma: № 101, № 106, № 116 («Embımūnaigaz» AQ, «Qainarmūnaigaz» MGÖB) - topyraqty toltyru jūmystary jürgızılude. Böget janyna töselgen qūm salynǧan qaptardy köbeitu, sondai-aq NB-50 sorǧysymen Saǧyz özenıne su aidau (tört adam men ekı bırlık arnaiy tehnika jūmysyn jalǧastyruda); Jaŋa Maqat ken ornynda 1 ūŋǧyma – № E7 («5A Oil» JŞS) – jaǧalaulardy bögeu, qalpyna keltıru jūmystary aiaqtaldy», - dep habarlady jūma künı TJM Önerkäsıptık qauıpsızdık komitetınıŋ departamentı.
Vedomstvonyŋ habarlauynşa, būl ūŋǧymalar uaqytyly toqtan ajyratylyp, germetizasiialanǧan.
«Oblystyŋ qalǧan ken oryndaryndaǧy jaǧdai tūraqty jäne jıtı baqylauda», - delıngen habarlamada.
Būǧan deiın, säuırdıŋ 11-ı künı «Globus» ortalyǧynyŋ direktory Galina Chernova Premer-ministrdıŋ orynbasary Qanat Bozymbaevqa Atyraudaǧy mūnai-gaz jäne basqa da qauıptı nysandardy su basu qaupı baryn habarlaǧan bolatyn. Keiınnen Ekologiia jäne tabiǧi resurstar ministrlıgı Atyraudaǧy mūnai-gaz jäne basqa da nysandarǧa su tasqynynan qauıp tönıp tūrǧan joq dep mälımdegen edı.
Ūqsas jaŋalyqtar
