مۇنايدىڭ الەمدىك باعاسى ءوسىپ كەلەدى

1176

لوندونداعى ICE Futures بيرجاسىنداعى ساۋدا-ساتتىق كەزىندە مۇنايدىڭ الەمدىك باعاسى وسۋدە، دەپ حابارلايدى "ادىرنا" ۇلتتىق پورتالى DailyFX-كە سىلتەمە جاساپ.

لوندونداعى ICE Futures بيرجاسىندا Brent ماركالى مۇنايدىڭ ماۋسىمداعى فيۋچەرستەرىنىڭ باعاسى باررەلىنە 67,08 دوللاردى قۇرايدى. بۇل الدىڭعى سەسسيانىڭ جابىلۋىنداعى باعادان 0,18 پايىزعا جوعارى.

نيۋ-يورك تاۋار بيرجاسىندا (NYMEX) WTI ماركالى مۇنايدىڭ ەلەكتروندى ساۋداسى 0,19 پايىزعا كوتەرىلىپ، باررەلىنە 63,58 دوللاردى قۇرادى، بۇل الدىڭعى سەسسيانىڭ جابىلۋىنداعى دەڭگەيدەن 0,1 دوللارعا ءوستى.

«ۆاكتسيناتسيانىڭ جىلدام قارقىنى، سونداي-اق پاندەميادان ازاياتىن قورقىنىش نارىققا تۇراقتى وسۋگە جاقسى سەرپىن بەرىپ وتىر»، - دەيدى Blue Line Futures كومپانياسىنىڭ مۇناي ستراتەگى فيل سترايبل.

بۇعان دەيىن حابارلاعانىمىزداي، وپەك + ءساۋىر ايىندا مۇناي ءوندىرىسىن ۇلعايتپاۋ تۋرالى شەشىم قابىلداعاننان كەيىن Brent كوتيروۆكاسى ءبىر ۋاقىتتا 5 پايىزعا ءوستى.

سونىمەن بىرگە، قازاقستان كارتەلمەن مۇناي ءوندىرىسىن تاۋلىگىنە 20 مىڭ باررەلگە كوبەيتۋ تۋرالى كەلىسىمگە كەلدى.

"ادىرنا" ۇلتتىق پورتالى

پىكىرلەر
ۇقساس جاڭالىقتار