فوتو جي كومەگىمەن جاسالعان
قازاقستاننىڭ باس پروكۋراتۋراسى قىزمەت كورسەتۋدەگى ۇزىلىستەرگە بايلانىستى ياندەكس كومپانيالارىنا قاتىستى تەرگەۋ جۇرگىزۋدى تالاپ ەتتى، دەپ حابارلايدى "ادىرنا" ۇلتتىق پورتالى.
بۇل تۋرالى باس پروكۋرور بەرىك اسىلوۆ پارلامەنتتىك ساۋالعا بەرگەن جاۋابىندا ايتتى.
باس پروكۋراتۋرانىڭ مالىمەتىنشە، جەكە دەرەكتەردى قورعاۋ سالاسىنداعى مەملەكەتتىك قاداعالاۋعا جاۋاپتى كوميتەتتىڭ قىزمەتىنە كەشەندى تەكسەرۋ جۇرگىزىلىپ جاتىر.
سونىمەن قاتار كوميتەت قىزىلوردا وبلىسى مەن سەمەي قالاسىندا مەكتەپ قىزمەتكەرلەرى مەن وقۋشىلارىنىڭ جەكە دەرەكتەرىنىڭ تارالۋىنا قاتىستى جاعدايلاردى تەرگەپ جاتىر.
بۇعان دەيىن تسيفرلىق دامۋ ءمينيسترى جاسلان ماديەۆ قاراشا ايىنىڭ سوڭىنا دەيىن ياندەكستىڭ بەس كومپانياسىنا قاتىستى تەرگەۋ جۇرگىزىلەتىنىن حابارلاعان ەدى.
ايتا كەتەيىك، قازان ايىنىڭ باسىندا رەسەيدە ياندەكس سەرۆيستەرىنىڭ جۇمىسىندا ىركىلىس بولىپ، بۇل جاعداي قازاقستانداعى قىزمەتتەرىنە دە اسەر ەتكەن.
