قازاقستان مۇنايىنىڭ 70 پايىزعا جۋىعى ەۋروپا وداعى ەلدەرىنە ەكسپورتتالاتىنى بەلگىلى بولدى. بۇل تۋراى مەملەكەت باسشىسى قاسىم-جومارت توقاەۆ پەن سلوۆەنيا پرەزيدەنتى ناتاشا پيرتس-مۋسار قازاقستان-سلوۆەنيا بيزنەس-فورۋمىندا بەلگىلى بولدى، دەپ حابارلايدى “ادىرنا” ۇلتتىق پورتالى.
مەملەكەت باسشىسى سوڭعى 30 جىلدا قازاقستان مەن سلوۆەنيانىڭ ءوزارا قۇرمەتكە نەگىزدەلگەن بەرىك ساياسي-ديپلوماتيالىق بايلانىس ورناتقانىن اتاپ ءوتتى. پرەزيدەنتتىڭ ايتۋىنشا، كەشەگى كەلىسسوزدەر بارىسىندا تاراپتار قوس حالىقتىڭ يگىلىگى ءۇشىن ەكونوميكالىق ىنتىماقتاستىقتى نىعايتۋعا بەيىل ەكەنىن راستادى.
اقوردا مالىمەتىنشە، قازاقستان پرەزيدەنتى ءوزارا قۇرمەتكە نەگىزدەلگەن بەرىك ساياسي-ديپلوماتيالىق بايلانىس ورناعانىن جانە ەكونوميكالىق ىنتىماقتاستىقتى نىعايتۋعا بەيىل ەكەنىن اتاپ ءوتتى.
قازاقستان – ايماقتاعى ەكونوميكاسى قارقىندى ءوسىپ كەلە جاتقان ءىرى ەلدەردىڭ ساناتىندا:
- 2024 جىلى ەكونوميكالىق ءوسىم 4,8 پايىز دەڭگەيىندە بولدى.
- ءىجو 288 ملرد دوللارعا جەتتى.
- ەلىمىز ساياسي جانە ەكونوميكالىق رەفورمالاردى جۇزەگە اسىرا وتىرىپ، وسى دامۋ كورسەتكىشىن ساقتاۋعا نيەتتى.
قازاقستان ەۋرازياداعى جەتەكشى ساۋدا ءارى لوگيستيكا حابىنا اينالۋعا ۇمتىلادى:
- ەلىمىزدىڭ اۋماعى ارقىلى وتەتىن جۇك تاسىمالىنىڭ كولەمى 514 ملرد توننا-شاقىرىمعا جەتتى.
- ەۋروپا مەن قىتاي اراسىنداعى قۇرلىقتىق الىس-بەرىستىڭ 90 پايىزىن قامتاماسىز ەتۋدە.
- اقتاۋ جانە قۇرىق پورتتارى ارقىلى جونەلتىلەتىن جۇك كولەمى 62 پايىزعا ءوستى (4,5 ميلليون تونناعا دەيىن جەتتى).
- سلوۆەنيانىڭ ەڭ ءىرى كوپەر پورتىمەن سەرىكتەستىكتى تەرەڭدەتۋ كوزدەلىپ وتىر.
ونەركاسىپ جانە ەنەرگەتيكا سالالارىنداعى پەرسپەكتيۆتى باعىتتار:
- قازاقستان مۇنايىنىڭ 70 پايىزعا جۋىعى ەۋروپا وداعى ەلدەرىنە ەكسپورتتالادى.
- بارلانعان تابيعي گاز قورى 3 ترلن تەكشە مەترگە جەتەدى، ال كومىر كەنىشى 34 ملرد توننانى قۇرايدى.
- ەلىمىز ەو ەكونوميكاسى ءۇشىن اسا ماڭىزدى 34 سيرەك كەزدەسەتىن مينەرالدىڭ 19 ءتۇرىن وندىرەدى.
- قازاقستان سەكتوردىڭ الەۋەتىن تولىق پايدالانۋ ماقساتىندا الەمنىڭ جەتەكشى كومپانيالارىمەن پراگماتيكالىق فورمۋلاعا ساي، ياعني «شيكىزات ورنىنا ينۆەستيتسيا مەن تەحنولوگيا» قاعيداسىنا ساي ىنتىماقتاستىق ورناتادى.
- Total, Eni, Masdar جانە Svevind Energy Group كومپانيالارىنىڭ قاتىسۋىمەن جاسىل ەنەرگەتيكا جوبالارى قارقىندى دامىپ كەلەدى.
- سلوۆەنيانىڭ Iskra, Gorenje سياقتى وزىق كومپانيالارى ءبىزدىڭ نارىقتا تابىستى جۇمىس ىستەيدى.
اۋىل شارۋاشىلىعى جانە ازىق-تۇلىك قاۋىپسىزدىگى:
- وتاندىق اۋىلشارۋاشىلىق ونىمدەرى الەمنىڭ 70-تەن استام ەلىنە ەكسپورتتالادى.
- قازاقستاننىڭ اگروونەركاسىپ كەشەنىن جوعارى تەحنولوگيالى سەكتور رەتىندە قايتا قۇرۋ جوسپارى تۋرالى ايتىلدى.
- ەلىمىز سلوۆەنيالىق سەرىكتەستەرىمەن بىرلەسكەن ينۆەستيتسيالىق جوبالاردى ىسكە اسىرۋعا نيەتتى.
فارماتسەۆتيكا جانە ءىت:
- قازاقستان سلوۆەنيانىڭ Krka, Lek سەكىلدى كومپانيالارىمەن فارماتسەۆتيكا ءوندىرىسىن دامىتۋعا;
- عىلىمي زەرتتەۋلەر، ستارتاپتار جانە تەحنولوگيالىق ءبىلىم بەرۋ ىسىندەگى وسى ەلدىڭ IT كومپانيالارىمەن سەرىكتەستىك ورناتۋعا مۇددەلى.
قارجى جانە ينۆەستيتسيا:
- سلوۆەنيانىڭ ىسكەرلىك توپ وكىلدەرىنە استانا حالىقارالىق قارجى ورتالىعىنىڭ الەۋەتىن زەردەلەپ، ونىڭ ەكوجۇيەسىنە قوسىلۋ ۇسىنىلدى.
