7 ماۋسىم كۇنى وتكەن ءماجىلىس وتىرىسىندا دەپۋتات جۇلدىز سۇلەيمەنوۆا عىلىم جانە جوعارى ءبىلىم ءمينيسترى ساياسات نۇربەككە يگەرىلمەگەن گرانتتارعا قاتىستى ساۋال قويدى، دەپ جازادى "ادىرنا". ۆيدەو دەپۋتاتتىڭ الەۋمەتتىك جەلىدەگى پاراقشاسىندا جاريالاندى.
جۇلدىز سۇلەيمەنوۆا "امانات" پارتياسى اتىنان جىل سايىن گرانت سانىن 5000-عا ۇلعايتۋدى جوسپارلاپ وتىرعانىن ايتتى. ايتۋىنشا، بىلتىرعى جىلى مينيسترلىك 18 مىڭ گرانت يگەرمەگەن. الداعى جوسپارلار جايلى جانە يگەرىلمەگەن گرانت سەبەبىن مينيستر ساياسات نۇربەك ءتۇسىندىردى:
"نەگىزگى سەبەبى ءسىز ءوزىڭىز اتاپ كەتكەن نىسانالى گرانتتار. بىلتىر وسى ماقساتتا ماڭعىستاۋ مەن اتىراۋ وبلىسىنا ون مىڭنان اسا گرانت ءبولىندى. 13 753 بالا ەكى ءوڭىر بويىنشا مەكتەپ ءبىتىردى جانە ونىڭ 11 500-ءى ۇبت تاپسىردى. بىراق 2297 بالا عانا گرانتقا يە بولدى. ەڭ ۇلكەن يگەرىلمەگەن گرانت سانى وسى ايماقتاردا بولدى" دەدى ول.
سونداي-اق، مينيستر بيىلعى جىلى دەموگرافيالىق جانە سالالىق تالداۋ جاسالىپ گرانتتار سانىن قىسقارتقانىن مالىمدەدى.
تولىعىراق ۆيدەودا:
