وقۋ-اعارتۋ مينيسترلىگى وقۋ باعدارلامالارىنىڭ مازمۇنىن كۇشەيتۋگە جانە وقۋ قورىن جاڭارتۋعا بەت بۇرعالى وتىر. بۇل تۋرالى ۇكىمەت وتىرىسىندا وقۋ-اعارتۋ ءمينيسترى جۇلدىز سۇلەيمەنوۆا مالىمدەدى، دەپ حابارلايدى «ادىرنا» ءتىلشىسى.
«بيىلعى 13 ناۋرىزدا وتكەن Digital Qazaqstan جوباسى جونىندەگى كەڭەستە مەملەكەت باسشىسىنا ەگجەي-تەگجەيلى باياندالعانداي IT سالاسىن جانە تسيفرلىق قۇزىرەتتەردى دامىتۋعا ەرەكشە نازار اۋدارىلاتىن بولادى. بۇل وسكەلەڭ ۇرپاقتىڭ بويىندا قاجەتتى ءبىلىم مەن داعدىلاردى قالىپتاستىرۋعا، باسەكەگە قابىلەتتى مامانداردى دايارلاۋدى قامتاماسىز ەتۋگە جانە قارقىندى تەحنولوگيالىق دامۋ جاعدايىندا ەلدىڭ الەۋەتىن نىعايتۋعا مۇمكىندىك بەرەدى»،- دەدى جۇلدىز سۇلەيمەنوۆا.
مينيستر اتاپ وتكەندەي، ءبىلىم بەرۋدىڭ باستاۋىش بۋىنىن نىعايتۋعا باستى نازار اۋدارىلاتىن بولادى، ويتكەنى ءدال وسى كەزەڭدە بالانىڭ ودان ءارى ءبىلىم بەرۋ تراەكتورياسىن قالىپتاستىراتىن بازالىق ءبىلىم، داعدىلار مەن قۇندىلىقتاردىڭ ىرگەتاسى قالانادى. وقۋ باعدارلامالارىنىڭ مازمۇنى عانا ەمەس، وقۋلىقتاردىڭ ساپاسى دا جىل سايىن قايتا قارالاتىن بولادى، سونداي-اق 1-سىنىپ وقۋشىلارى نەگىزگى پاندەر بويىنشا جۇمىس داپتەرلەرىمەن قامتاماسىز ەتىلەدى.
5-تەن 9-سىنىپقا دەيىنگى كەزەڭدە ەڭبەك نارىعىنداعى وزگەرىستەرگە جانە ەكونوميكانىڭ ادامي كاپيتالدى دامىتۋعا باعدارلانۋى ماڭىزدى فاكتورعا اينالادى. بۇل پروتسەستەر ءبىلىم بەرۋ ستاندارتتارىن ىرگەلى عىلىمداردى تەرەڭ زەرتتەۋگە باسا نازار اۋدارا وتىرىپ قايتا قاراۋعا العىشارت تۋدىرادى.
سونىمەن قاتار «قازاقستان گەوگرافياسى» ءپانى 8-9 سىنىپتاردا اپتاسىنا قايتادان ەكى ساعات وقىتىلا باستايدى.
ەسكەرتۋ جانە الدىن الۋ: استانادا جاستار اراسىنداعى ەسىرتكى قىلمىسىنا قارسى كۇرەس شارالارى تالقىلاندى
