7 maýsym kúni ótken Májilis otyrysynda depýtat Juldyz Súleımenova Ǵylym jáne joǵary bilim mınıstri Saıasat Nurbekke ıgerilmegen granttarǵa qatysty saýal qoıdy, dep jazady "Adyrna". Vıdeo depýtattyń áleýmettik jelidegi paraqshasynda jarııalandy.
Juldyz Súleımenova "Amanat" partııasy atynan jyl saıyn grant sanyn 5000-ǵa ulǵaıtýdy josparlap otyrǵanyn aıtty. Aıtýynsha, byltyrǵy jyly mınıstrlik 18 myń grant ıgermegen. Aldaǵy josparlar jaıly jáne ıgerilmegen grant sebebin mınıstr Saıasat Nurbek túsindirdi:
"Negizgi sebebi siz ózińiz atap ketken nysanaly granttar. Byltyr osy maqsatta Mańǵystaý men Atyraý oblysyna on myńnan asa grant bólindi. 13 753 bala eki óńir boıynsha mektep bitirdi jáne onyń 11 500-i UBT tapsyrdy. Biraq 2297 bala ǵana grantqa ıe boldy. Eń úlken ıgerilmegen grant sany osy aımaqtarda boldy" dedi ol.
Sondaı-aq, mınıstr bıylǵy jyly demografııalyq jáne salalyq taldaý jasalyp granttar sanyn qysqartqanyn málimdedi.
Tolyǵyraq vıdeoda:
