مەملەكەت باسشىسى قاسىم-جومارت توقاەۆ «Digital Bridge 2022» حالىقارالىق تەحنولوگيالىق فورۋمىندا زاماناۋي اقپاراتتىق قوعام مەن تسيفرلىق ەكونوميكا جاعدايىندا كەدەرگىسىز ءبىلىم الماسۋدىڭ ماڭىزدىلىعىن اتاپ ءوتتى. بۇل جونىندە قر عىلىم جانە جوعارى ءبىلىم ءمينيسترى ساياسات نۇربەك تە مينيسترلىك تاراپىنان تسيفرلاندىرۋ باعىتىندا جۇزەگە اسىرىلىپ جاتقان تىڭ جوبالار تۋرالى ايتتى، دەپ حابارلايدى “ادىرنا” ۇلتتىق پورتالى.
ء“بىز جاقىندا Coursera كومپانياسىمەن ۇشجاقتى مەموراندۋمعا قول جەتكىزگەنىمىزدى بىلەسىزدەر. بۇگىن مەن «Digital Bridge 2022» فورۋمى اياسىندا وسى كومپانيانىڭ وكىلدەرىمەن كەزدەستىم. ءبىز 2023 جىلدىڭ قاڭتارىنا جوسپارلانعان جوبانى ىسكە قوسۋدىڭ ەگجەي-تەگجەيىن تالقىلادىق. كەلەسى جىلدان باستاپ قازاقستاندىق ستۋدەنتتەر قازاق جانە ورىس تىلدەرىندەگى Coursera كۋرستارىن تاڭداۋعا مۇمكىندىك الادى. ءۇش جىل ىشىندە كەمىندە 100 مىڭ قازاقستاندىق ستۋدەنت پەن پايدالانۋشى Coursera پلاتفورماسىنا قول جەتكىزەدى.
ءبىز جىلدام وزگەرىستەر مەن قايتا قۇرۋلار جاعدايىندا جوعارى ءبىلىم بەرۋدى دامىتۋ ءۇشىن يكەمدى شەشىمدەردى ىزدەپ جاتىرمىز. بۇگىنگى تاڭدا ەڭ وڭاي جانە ءتيىمدى شەشىم — بۇل تسيفرلاندىرۋ. ءبىزدىڭ بۇگىنگى جاساپ جاتقان ءىسىمىز - جوعارى ءبىلىم بەرۋ جۇيەسىن رەفورمالاۋداعى جانە ەكونوميكامىز ءۇشىن بىلىكتى كادرلار دايارلاۋداعى ماڭىزدى قادام”، - دەپ جازدى مينيستر.
