قازاقستاندا ەلەكتروندى ۇكىمەت پورتالى تۇبەگەيلى جاڭارتىلماق، دەپ حابارلايدى "ادىرنا" ۇلتتىق پورتالى.
جاڭا فورماتتا eGov پورتالى جاساندى ينتەللەكتكە نەگىزدەلىپ، ChatGPT قاعيداتى بويىنشا جۇمىس ىستەيتىن بولادى.
پرەمەر-ءمينيستردىڭ ورىنباسارى – تسيفرلىق دامۋ، جاساندى ينتەللەكت جانە اەروعارىش ونەركاسىبى ءمينيسترى جاسۇلان ماديەۆتىڭ ايتۋىنشا، جاڭارتىلعان eGov ازاماتتارعا مەملەكەتتىك قىزمەتتەردى ديالوگ ارقىلى الۋعا مۇمكىندىك بەرەدى. ەندى پايدالانۋشىلارعا قاجەتتى ءبولىمدى ىزدەپ، بىرنەشە فورما تولتىرىپ، انىقتامالاردى قولمەن تىركەۋدىڭ قاجەتى بولمايدى.
«eGov-تىڭ كەلەسى دامۋ كەزەڭى – ازاماتتارعا ChatGPT قاعيداتىمەن تولىققاندى قىزمەت كورسەتۋ، ياعني end-to-end شەشىم ۇسىنۋ. باسقاشا ايتقاندا، جاساندى ينتەللەكتپەن قارىم-قاتىناس ارقىلى بىردەن دايىن مەملەكەتتىك قىزمەت الۋ. قازىر بۇل ءونىم ءازىر، الداعى اپتالاردا تەستىلەۋ باستالادى»، – دەدى مينيستر.
ءمينيستردىڭ سوزىنشە، جۇيەنى كەڭ اۋقىمدا ىسكە قوسۋ 2026 جىلعا جوسپارلانىپ وتىر.
