بۇگىن – تانىمال كومپوزيتور، جازۋشى ءىليا جاقانوۆتىڭ تۋعان كۇنى، دەپ حابارلايدى «ادىرنا» ءتىلشىسى.
ول 1936 جىلى 6 مامىردا جامبىل وبلىسى، سارىسۋ اۋدانى، قازىرگى اقتوعاي اۋىلىندا تۋعان. قازاق مەملەكەتتىك ۋنيۆەرسيتەتىنىڭ (قازىرگى قازۇۋ – رەد.) فيلولوگيا فاكۋلتەتىن بىتىرگەن.
1959–1963 جىلدارى «قازاقستان پيونەرى» («ۇلان») گازەتىنىڭ ادەبيەت جانە ونەر ءبولىمىنىڭ مەڭگەرۋشىسى، 1963–1984 جج. قازاق كسر تەلەۆيزيا جانە راديوحابارىن تاراتۋ جونىندەگى مەملەكەتتىك كوميتەتىنىڭ رەداكتورى، اعا رەداكتورى، قازاق راديوسى مۋزىكا رەداكتسياسىنىڭ باس رەداكتورى قىزمەتىن اتقارعان.
1984 جىلدان شىعارماشىلىق جۇمىسپەن اينالىسادى. «قايتا ورالعان ءان» (1968), «قوش بول، ۆالس» (1969) پوۆەستەرى شىققان. قازاقتىڭ ۇلى قوبىزشىسى ىقىلاس جايلى «كەرتولعاۋ» (1989) رومانى العاش قىرعىز تىلىندە، كەيىن قازاق تىلىندە «ىقىلاس» (1990) دەگەن اتپەن جارىق كورگەن. «ەكى جيرەن» (1976), ء«بىرىنشى كونتسەرت» (1979), «ماحاببات ءۆالسى» (1983), «اققۋلار قونعان ايدىن كول» (1988) اتتى دەرەكتى اڭگىمەلەر، ەسسەلەر جانە نوۆەللالار جيناعى، سونداي-اق «قارابۋرا» (1977) تاريحيتانىمدىق شىعارماسى، «سىنعان قىلىش» (1981) اتتى قىرعىز تىلىنەن اۋدارىلعان (قاسىمبەكوۆ شىعارماسى) تاريحي روماندارى شىققان. ء«بىرجان سال»، «اقان سەرى»، «ۇكىلى ىبىراي»، «ەستاي ءانشى»، «جاياۋ مۇسا»، ء«مادي»، «مايرا»، «بالۋان شولاق»، ت.ب دا سالسەرىلەر، قازاقستان كومپوزيتورلارى م.تولەباەۆ، ل.حاميدي، س.مۇحامەدجانوۆ، ق.مۋسين، ب.بايقاداموۆتاردىڭ شىعارماشىلىق پورترەتتەرىن سومداعان شىعارمالارى، «شوقان جانە مۋزىكا»، «جامبىل جانە مۋزىكا»، «ساكەن جانە مۋزىكا» اتتى تەلەسەريالدارى بار. «قازاق كسرنىڭ ەڭبەك سىڭىرگەن مادەنيەت قىزمەتكەرى» (1990); «قىرعىزستاننىڭ ەڭبەك سىڭىرگەن مادەنيەت قايراتكەرى» (1994); الەۋمەتتىك عىلىمدار اكادەمياسىنىڭ قۇرمەتتى اكادەميگى (1997), قازاقستاننىڭ ەڭبەك سىڭىرگەن قايراتكەرى (1998), حالىقارالىق جامبىل اتىنداعى سىيلىقتىڭ يەگەرى (1997). «سىرلى جۇرەك پەرنەسى» اتتى ليريكالىق ەسسە كىتابى 2008 جىلى «ۇشپاق» باسپاسىنان جارىق كورگەن.
