بۇگىن – مەملەكەت جانە قوعام قايراتكەرى، ەكونوميكا عىلىمدارىنىڭ دوكتورى، پروفەسسور سەرىكبولسىن ءابدىلديننىڭ (1937-2019) تۋعان كۇنى.
سەرىكبولسىن ءابدىلدين 1937 جىلعى 25 قاراشادا شىعىس قازاقستان وبلىسى، قازىرگى تارباعاتاي اۋدانى قىزىلجۇلدىز اۋىلىندا تۋعان.
قوعام قايراتكەرى، ەكونوميكا عىلىمدارىنىڭ دوكتورى، پروفەسسور. (1986). 1982 – 1985 ج. قازاق كسر اۋىل شارۋاشىلىعى ءمينيسترىنىڭ ءبىرىنشى ورىنباسارى، 1985 جىلى اوك-ءنى باسقارۋ جونىندەگى رەسپۋبليكالىق جوعارى مەكتەپتىڭ رەكتورى، 1986 – 1987 جىلى قازاقستان اۋىل شارۋاشىلىعى ءمينيسترى، 1990-1995 جىلى قازاق كسر جوعارى كەڭەسىنىڭ توراعاسى.
سەرىكبولسىن ءابدىلدين 1967 جىلدان باستاپ كوپ ۋاقىت قازاق سسر جوسپارلاۋ كوميتەتىندە جۇمىس ىستەگەن، اۋىل شارۋاشىلىعى مينيسترلىگىندە باسشى قىزمەتتەر اتقاردى، قازاق سسر مينيسترلەر كەڭەسىنىڭ ماسكەۋدەگى وكىلى بولدى.
1990 جىلى ون ەكىنشى شاقىرىلىمداعى قازاق سسر جوعارعى كەڭەسىنىڭ دەپۋتاتى بولىپ سايلانعان. كەيىن جوعارعى كەڭەس توراعاسىنىڭ ورىنباسارى، ال 1991–1993 جىلدار ارالىعىندا جوعارعى كەڭەس تاراتىلعانعا دەيىن ونىڭ توراعاسى بولدى. ءابدىلدين باسقارعان جىلدا، 1991 جىلى 16 جەلتوقساندا جوعارعى كەڭەس «قازاقستاننىڭ مەملەكەتتىك تاۋەلسىزدىگى تۋرالى» دەكلاراتسيانى قابىلدادى.
بيلىكتەن كەتكەن سوڭ ءابدىلدين قازاقستان كوممۋنيستىك پارتياسى توراعاسى بولىپ سايلانىپ، 14 جىل وپپوزيتسيالىق ۇيىمدى باسقاردى. 1999 جىلى 10 قاڭتاردا كەزەكتەن تىس وتكەن پرەزيدەنت سايلاۋىندا نازارباەۆپەن بىرگە كانديدات رەتىندە قاتىستى.
سەرىكبولسىن ءابدىلدين 2019 جىلى 31 جەلتوقساندا 82 جاستان اسقان شاعىندا الماتىدا دۇنيەدەن ءوتتى.
«ادىرنا» ۇلتتىق پورتالى
