17 مامىردا قازاقستان پرەزيدەنتى قاسىم-جومارت توقاەۆ 72 جاسقا تولادى. الايدا مەملەكەت باسشىسى بيىل دا تۋعان كۇنىن اتاپ وتپەيدى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردانىڭ ءباسپاسوز قىزمەتى مالىمدەدى.
«مەملەكەت باسشىسى قاسىم-جومارت توقاەۆتىڭ تۋعان كۇنىنە بايلانىستى سالتاناتتى ءىس-شارالار جوسپارلانباعان. پرەزيدەنت تۋعان كۇنىن اتاپ وتپەيدى»، – دەپ حابارلادى اقوردا.
قاسىم-جومارت كەمەلۇلى توقاەۆ 1953 جىلى 17 مامىردا الماتى قالاسىندا دۇنيەگە كەلگەن. بيىل ول 72 جاسقا تولىپ وتىر. بۇعان دەيىن دە پرەزيدەنتتىڭ تۋعان كۇنىن جەكە نەمەسە رەسمي تۇردە اتاپ وتپەيتىنى بىرنەشە رەت ايتىلعان.
وتكەن جىلى پرەزيدەنتتىڭ ءباسپاسوز حاتشىسى بەرىك ءۋالي 17 مامىر توقاەۆ ءۇشىن قاراپايىم جۇمىس كۇنى ەكەنىن اتاپ وتكەن. سونداي-اق سەنات توراعاسى ماۋلەن اشىمباەۆ تا مەملەكەت باسشىسىنىڭ تۋعان كۇندى مەرەكەلەۋدى ادەتكە اينالدىرماعانىن راستاعان ەدى.
