بۇگىن، 25 اقپاندا بەلگىلى كينو جانە تەاتر اكتريساسى، قازاقستاننىڭ ەڭبەك سىڭىرگەن ءارتىسى مەرۋەرت وتەكەشوۆا 75 جاسقا تولدى، دەپ حابارلايدى «ادىرنا» ءتىلشىسى.
مەرۋەرت قايراتقىزى 1951 جىلى 25 اقپاندا ورال قالاسىندا دۇنيەگە كەلگەن. ول 1968 جىلى الماتى قالاسىنداعى №66 مەكتەپتى تامامداعاننان كەيىن "قىز جىبەك" كينوسىنىڭ باس كەيىپكەرىنىڭ ءرولىن سومداۋعا شاقىرتۋ العان. 1969-1973 جىلدارى قۇرمانعازى اتىنداعى قازاق مەملەكەتتىك مادەنيەت ينستيتۋتىنىڭ تەاتر فاكۋلتەتىن اياقتاعان.
ونەر يەسى تەاتر ونەرىنىڭ جۇلدىزى بولىپ قانا قويماي، كينو الەمىندە دە بىرەگەي رولدەرىمەن حالىق كوزايىمىنا اينالدى. ول "قىز جىبەك", "عاني مۇراتباەۆ", "ۇلدىڭ ورالۋى", "قوسىمشا سۇراقتار", "تەنتەك بالالار", "اجداھا جىلى", "ورنەك", "وتەلمەگەن پارىز", "جاۋىن", "اق باقسى", "شوقان ءۋاليحانوۆ", "قازاقفيلم", "قىرعىزفيلم", "ماحامبەت", "ارمان قالا", "سەكىرىس" فيلمدەرىندە ءارتۇرلى ءرولدى سومداعان.
