(Belgisizdeý bir sýret)
Məskeý. 1990 jylǵy 14 səýir. Əıgili ushqysh, Keńes Odaǵynyń úsh dúrkin batyry, avıaııa marshaly Ivan Kojedýb "Rossııa" qonaq úıiniń zəýlim zalynda ótip jatqan komsomol seziniń delegattarymen kezdesýge keldi. "Komsomol taraı ma, taramaı ma?" degen məsele tóńireginde úsh-tórt kúnnen beri qyzyl keńirdek bolyp aıtysqan delegattar dańqty ushqyshpen júzdesip qalýǵa asyqty. Biraq solardyń ishinen "Lenınshil jastyń" bas redaktory, meniń bastyǵym Ýəlıhan Qalıjanovqa Kojedýbtiń kóbirek kóńili aýǵany...
Sol jyldarda Məskeýden shyqpaıtyn Ýəkeń sezd qonaǵyn buryn da kórgen be, əıteýir bilmeımin, ekeýi edəýir ýaqyt shúıirkelesip turyp aldy. Sóıtip, jaýǵa jasyn oınatqan ushaqty shyrq úıirgen Kojedýbti bizdiń Ýəkeń shyr aınaldyrdy. Jınalǵan jastar Kojedýb pen Qalıjanovtyń jarasymdy qaljyńyna kýə bolyp turǵan sətte mańaıda júrgen fototilshilerdiń biri fotomyltyǵynyń uńǵysyn kezedi. Sol kúnderi attaı qalap, arnaıy shyǵartqan osy sýretti búgin týra otyz bir jyl ótkende kezdeısoq taýyp alǵanym...
Baýyrjan OMARULY
