Sý taqyrybyndaǵy maqal-mátelderdiń kóbi kúndelikti ómirde aıtyla bermeıdi. Osynaý qanatty sózderdiń astary ómirden alynǵany belgili. Oǵan dálel – sońǵy aptadaǵy sý tasqyny. «Qysta – arbasyn, jazda shanasyn daıyndaý» úrdisi úzilgen jerden problema bastalady. Tómendegi maqal-mátel toptamasynyń da óz aıtary bar.
⋆⋆⋆
Alystan úrgen ıt qappas, tómennen tórge sý aqpas.
⋆⋆⋆
Alpys kún tasyǵan sý alty kúnde qaıtar.
⋆⋆⋆
Aǵyn sý jolyn tabady, aq adam ońyn tabady.
⋆⋆⋆
Aqyly azdyń ashýy kóp, taıaz sýdyń tasýy kóp.
⋆⋆⋆
Atań murap bolsa da atyzdan ketpe.
⋆⋆⋆
Astaýyna qaraı – qaýǵasy.
⋆⋆⋆
Baı – baıǵa quıady, saı – saıǵa quıady.
⋆⋆⋆
Bulaqqa bulaq qosylsa, egizbiz deıdi,
Kólge kól qosylsa, teńizbiz deıdi.
⋆⋆⋆
Bir kisi qazǵan qudyqtan myń kisi sý ishedi.
⋆⋆⋆
Darııa toly sý bolsa, ıt tilimen sý isher.
⋆⋆⋆
Edil el bolyp kelgenge sý bolady, edireıip kelgenge ý bolady.
⋆⋆⋆
Etigińdi sheshpeı sýǵa túspe.
⋆⋆⋆
Jaıdaq sý jaı aǵady.
⋆⋆⋆
Jaqsy muraptyń sońynan sý eredi, jaman muraptyń sońynan shý eredi.
⋆⋆⋆
Jaman saıdyń sýy tasysa, ótkel bermes.
⋆⋆⋆
Jaman saıǵa sý tússe, ótkel bermes keshýge,
Jaman kisige mal bitse, sýsyn bermes ishýge.
⋆⋆⋆
Jatqan tastyń astyna sý barmaıdy.
⋆⋆⋆
Jeti kún jaýǵan jańbyrdan jelip ótken sý artyq
⋆⋆⋆
Jer tegis bolsa, sý syldyrap aqpas edi.
⋆⋆⋆
Jemes jerde et bar, ishpes jerde sý bar.
⋆⋆⋆
Jylaı - jylaı aryq qazsań, kúle - kúle sý ishersiń.
⋆⋆⋆
Iyqqa shaq ıinaǵash.
⋆⋆⋆
Kól kólge quıady, sel selge quıady — shuqanaqqa dym da joq.
⋆⋆⋆
Qar sýynyń tasqynyn qasqaldaq kórmes.
⋆⋆⋆
Qylyshty qynap saqtaıdy, sýdy murap saqtaıdy.
⋆⋆⋆
Ot — aryq, sý — semiz.
⋆⋆⋆
Ózen aqsa — kól, darııa aqsa — sel.
⋆⋆⋆
Ózen sýyn jańbyr tasytady, adam qadirin eńbek asyrtady.
⋆⋆⋆
Ólmegen qul altyn aıaqpen sý isher.
⋆⋆⋆
Ótkelsiz ózen – asýsyz kezeń.
⋆⋆⋆
Ótkelin bilmeı ózenge túspe.
⋆⋆⋆
Taýdy, tasty sý buzady, azamatty sóz buzady.
⋆⋆⋆
Saı qýalap sý aǵar, jel qýalap ot janar.
⋆⋆⋆
Sasyq sýǵa asha butaq bitedi.
⋆⋆⋆
Saıaz sý sarqyrap aǵady.
⋆⋆⋆
Seń júredi kóktemde astan-kesteń,
Aq atannyń baýyryn arqan kesken.
⋆⋆⋆
Sý baılyq – alty aılyq, qar baılyq – úsh aılyq.
⋆⋆⋆
Sý aıaǵy – qurdym.
⋆⋆⋆
Sý basynan buzylady.
⋆⋆⋆
Sý tasysa – jar qulaıdy, kóp tolqysa – han qulaıdy.
⋆⋆⋆
Sý patshasy – murap, tún patshasy – shyraq.
⋆⋆⋆
Sýǵa túspeı, teńiz keshpeısiń.
⋆⋆⋆
Sýǵa ketken jańqaǵa jarmasady.
⋆⋆⋆
Sýdyń kepkeni - tirshiliktiń ketkeni.
⋆⋆⋆
Syldyrsyz aqqan sýdan bez.
⋆⋆⋆
Sý bergenniń saýaby bar, sý tókkenniń jaýaby bar.
⋆⋆⋆
Sý ketse, tas qalady, súrme ketse, qas qalady.
⋆⋆⋆
Sý qataısa muz bolar.
⋆⋆⋆
Sý isher aryǵy joq eldiń súzip alar balyǵy joq.
⋆⋆⋆
Sýdyń jolyn qum bóger, erdiń jolyn sum bóger.
⋆⋆⋆
Sýdyń tereń-saıazyn aǵysynan bilersiń,
Attyń jaqsy, jamanyn shabysynan bilersiń.
⋆⋆⋆
Sýdyń túbin shym bekitedi, sózdiń túbin shyn bekitedi.
⋆⋆⋆
Tasta tamyr joq, sýda qaımaq joq.
⋆⋆⋆
Tereń sýdyń aǵysy bilinbes.
⋆⋆⋆
«Tesiksiń» dep elek shelekke kúledi.
⋆⋆⋆
Halqyn oılamaǵan han semiz, dúnıe oǵan – sý, teńiz.
«Adyrna» ulttyq portaly
