- Aqtöbe oblystyq mäslihaty qabyldaǧan şeşım aldaǧy 15 täulık ışınde ädılet departamentınde tırkeluı kerek. Būl joly Aqtöbede Levon Mirzoian köşesınen özge ideologiialyq tūrǧydan könergen 25 köşenıŋ atauy özgerdı, - deidı Gülaiym Tölebaeva.
Levon Mirzoian atyndaǧy köşe Aqtöbe qalasynyŋ eskı bölıgınde, tört-bes köşenıŋ toǧysqan tūsynda tūr. Sovet ökımetı tūsynda Qazaqstandy basqarǧan Mirzoiannyŋ aty men eskertkış tasyn köşeden alyp tastaudy jergılıktı belsendıler 2014 jyldan berı talap etıp keledı. Aqtöbelık belsendı tūrǧyndar Sovet bilıgı kezındegı tūlǧaǧa köşe atyn bergenge jäne Mirzoiannyŋ qūrmetıne qalanyŋ eskı bölıgınde 1997 jyly eskertkış tas tūrǧyzylǧanyna da qarsy. Eskertkış tasta "Levon Mirzoian (Myrzajan) – armian halqynyŋ ūly perzentı" ekenı, onyŋ 1939 jyly repressiiaǧa ūşyrap, Lefortovo türmesınde atylǧany jazylǧan.
Gülaiym Tölebaeva Azattyq tılşısınıŋ "Köşe atauy auysqannan keiın, Levon Mirzoianǧa qoiylǧan eskertkış te alynyp tastala ma?" degen saualyna "Būl Aqtöbe oblystyq tılderdı damytu basqarmasynyŋ qūzyryndaǧy şarua emes" dep jauap berdı. Aqtöbe oblystyq mädeniet basqarmasynyŋ basşysy Marjan Qorǧanbekova "Eskertkış qala aumaǧynda tūrǧandyqtan būl mäselege Aqtöbe qalalyq äkımdıgı jauapty" dep bıledı. Al Aqtöbe qalalyq äkımdıgınde Levon Mirzoianǧa qoiylǧan eskertkıştıŋ būdan arǧy taǧdyry turaly äzırşe qandai da bır şeşım qabyldanbaǧan.
________________________________________________________________________
azattyq.org
Ūqsas jaŋalyqtar
