Qosymşa aşylmaidy, maŋaida bos kölık joq nemese kütu uaqyty sozylyp kettı. Mūndai jaǧdai äsırese jūmysqa, kezdesuge nemese äuejaiǧa asyqqanda qolaisyz. Degenmen, osyndai sätterdıŋ özınde qajettı mekenjaiǧa jetudıŋ bırneşe joly bar. Qazaqstan qalalarynyŋ tūrǧyndary qandai kölık türlerın taŋdai alady jäne olardyŋ qaisysyn paidalanǧan tiımdı? Taldap köreiık.
Qoǧamdyq kölık
Avtobustar — qala ışınde qatynaudyŋ eŋ qoljetımdı täsılderınıŋ bırı. Jolaqysy aldyn ala belgılı, al arnaiy jolaqtarmen jüretın avtobustar keide keptelıste tūrǧan jeŋıl kölıkterden jyldamyraq jetedı.
Almatyda avtobustarmen qatar metro da bar. Ol, äsırese, qarbalas uaqytta öte yŋǧaily. Metro qozǧalysy joldaǧy keptelıske täueldı emes, al poiyzdardyŋ jüru aralyǧy uaqytty aldyn ala josparlauǧa mümkındık beredı. Astana men basqa qalalarda da qajettı baǧytqa qatynaityn avtobus tauyp, qajet bolsa, bırneşe ret auysyp mınuge bolady.
Alaida qoǧamdyq kölık barlyq jaǧdaida bırdei qolaily emes. Qajettı mekenjai aialdamadan alys bolsa, özıŋızben bırge auyr sömkeler alyp jürseŋız nemese keşkı uaqytta üige qaitu qajet bolsa, basqa balamalardy qarastyrǧan jön.
Elektrosamokattar men velosipedter
Baratyn jerıŋız bırneşe şaqyrym qaşyqtyqta bolsa jäne aua raiy qolaily bolsa, elektrosamokatpen nemese velosipedpen jetuge bolady. Qysqa qaşyqtyqtarǧa qatynaudyŋ būl täsılı keptelısten ainalyp ötuge jäne bos kölık ızdeuge uaqyt joǧaltpauǧa mümkındık beredı.
Mūndai kölık jaqyn ornalasqan audandar arasynda, metro stansiiasyna nemese qoǧamdyq kölık aialdamasyna jetu üşın äsırese yŋǧaily.
Degenmen, samokattar men velosipedterdı kez kelgen aua raiynda paidalanu qolaily emes. Qozǧalysy qarqyndy joldarda qauıpsızdıkke erekşe män berıp, jol qozǧalysy erejelerın saqtau qajet. Sonymen qatar jalǧa berıletın kölıkterdıŋ qoljetımdılıgı jyl mezgılı men qalanyŋ belgılı bır audanyna bailanysty özgerıp otyrady.
Jaiau jürgen tiımdı boluy mümkın
Eger qajettı mekenjaiǧa jaiau 15–20 minutta jetuge bolsa, kölık ızdeudıŋ qajetı de bolmauy mümkın. Qysqa qaşyqtyqta kölıktı kütu men keptelıstı eskergendegı jol uaqyty jaiau jüruge ketetın uaqyttan kem bolmauy yqtimal.
Būǧan qosa, jaiau jüru densaulyqqa paidaly. Äsırese künı boiy kompiuter aldynda otyratyn adamdar üşın qysqa seruennıŋ özı kündelıktı fizikalyq belsendılıktı arttyruǧa kömektesedı.
Ärine, būl nūsqa aua raiy qolaily, marşrut qauıpsız jäne özıŋızben bırge auyr jük joq kezde tiımdı. Keide kölık kütkennen görı jaiau jürıp ötken oŋai.
Jürgızuşısı bar kölıkke tapsyrys beru
Eger baratyn jerıŋız alys bolsa, özıŋızben bırge auyr sömkeler alyp jürseŋız nemese jolda kölık auystyrǧyŋyz kelmese, saparǧa tapsyrys beru qyzmetın paidalanuǧa bolady. Mysaly, inDrive qosymşasynda jolauşylar jolaqysyn özderı ūsyna alady, al jürgızuşıler ūsynysty qabyldaidy nemese öz baǧasyn aitady.
Būl rette jolauşy kımmen baratynyn özı taŋdaidy. Ūsynystardy baǧasy men kölıktıŋ kelu uaqyty boiynşa salystyryp, jürgızuşınıŋ reitingın jäne kölık turaly aqparatty köruge bolady. Osylaişa tek baǧany ǧana emes, kölıktıŋ qanşalyqty jyldam keletının de eskeruge mümkındık bar.
Baǧany talqylauǧa uaqyt jūmsaǧysy kelmeitınder üşın 2026 jyldyŋ qazan aiynan bastap inDrive qosymşasynda «Saudalaspau» tarifı paida boldy. Būl jaǧdaida jolaqy naqty qaladaǧy aldyŋǧy saparlardyŋ tarihyna süiene otyryp, avtomatty türde esepteledı jäne tapsyrysty räsımdegenge deiın körsetıledı. Jolauşyǧa baǧany rastau ǧana qalady, sodan keiın jürgızuşını ızdeu bastalady.
Būl täsıl, mysaly, jūmysqa nemese äuejaiǧa bara jatqanda, jolaqysyn aldyn ala bılıp, kölık ızdeuge bırden kırıskısı keletınderge yŋǧaily boluy mümkın.
Sonymen qatar inDrive qosymşasynda baǧany jürgızuşımen kelısu mümkındıgı de saqtalǧan. Sondyqtan jolauşylar özderıne qolaily tapsyrys beru täsılın taŋdai alady. «Saudalaspau» tarifı qazırdıŋ özınde Qazaqstannyŋ 20 qalasynda, sonyŋ ışınde Almaty, Astana, Şymkent, Qaraǧandy, Aqtöbe jäne basqa da oblys ortalyqtarynda qoljetımdı.
Sapar qauıpsızdıgıne de erekşe nazar audarǧan jön. Kölıkke otyrmas būryn onyŋ memlekettık nömırı men markasyn qosymşadaǧy mälımettermen salystyryp, jürgızuşı turaly aqparatty tekseru kerek. inDrive qosymşasynda jolauşylar jürgızuşınıŋ reitingın aldyn ala köre alady. Sondai-aq sapar kezınde jaqyndaryna marşrut turaly aqparat jıberıp, özderınıŋ qai jerde kele jatqanyn habarlai alady. Būdan bölek, qosymşada qauıpsızdık tüimesı jäne qoldau qyzmetıne habarlasu mümkındıgı qarastyrylǧan.
Degenmen, bos jürgızuşılerdıŋ boluy men kölıktıŋ kelu uaqyty audanǧa, täulık mezgılıne jäne saparlarǧa degen sūranysqa bailanysty ekenın eskergen jön.
Bırneşe kölık türın qatar paidalanu
Bükıl marşrut boiy bır ǧana kölık türın taŋdau mındettı emes. Keide joldyŋ negızgı bölıgın avtobuspen nemese metromen jürıp, qalǧan qaşyqtyqty jaiau ötu ne saparǧa tapsyrys beru tiımdırek bolady.
Mysaly, Almatyda metro arqyly baratyn jerıŋızge jaqyn stansiiaǧa jetıp, odan ärı inDrive arqyly kölık şaqyruǧa bolady. Būl täsıl soŋǧy mekenjai metro stansiiasynan alys ornalassa nemese özıŋızben bırge jük alyp jürseŋız, yŋǧaily boluy mümkın. Sonymen qatar jürgızuşılerdıŋ ūsynystaryn aldyn ala qarap nemese «Saudalaspau» tarifın taŋdap, sapar qūnyn bırden bıluge bolady.
Jalpy, kölık taŋdau qaşyqtyqqa, aua raiyna, täulık mezgılıne jäne jeke qalauyŋyzǧa bailanysty. Keide avtobuspen jetken yŋǧaily bolsa, keide jaiau jürgen tiımdı, al basqa jaǧdaida jürgızuşısı bar kölıkke tapsyrys bergen dūrys. Eŋ bastysy — qala tūrǧyndarynyŋ bırneşe balamasy bolyp, naqty jaǧdaiǧa säikes keletının taŋdai aluy.
Qarbalas uaqytta qalai tez jetıp, artyq aqşa jūmsamauǧa bolady?
inDrive sapar şyǧyndaryn ünemdeuge kömektesetın 6 keŋestı ūsynady.
Kölık şaqyruǧa asyqpaŋyz
Eger şūǧyl şaruaŋyz bolmasa, jolǧa 20–30 minut keşırek şyǧyp körıŋız. Qarbalas uaqytta saparlarǧa sūranys artyp, bos jürgızuşıler sany azaiady. Keide azdap kütu aqşa ünemdeuge kömektesedı.
Keptelıs pen aua raiyn tekserıŋız
Jaŋbyr, qar jäne joldaǧy keptelıster sapar qūnyna äser etedı. Jolǧa şyqpas būryn jol jaǧdaiyn tekserıŋız. Keide säl kütken nemese basqa baǧytty taŋdaǧan tiımdı boluy mümkın.
Öz baǧaŋyzdy ūsynyŋyz
inDrive qosymşasynda sapar qūnyn özıŋız ūsyna alasyz. Jürgızuşıler ūsynysyŋyzdy qabyldauy nemese öz baǧasyn aituy mümkın. Baǧasy men kölıktıŋ kelu uaqytyn salystyryp, özıŋızge qolaily nūsqany taŋdaŋyz.
«Saudalaspau» tarifın qoldanyp körıŋız
Jürgızuşımen baǧany talqylaǧyŋyz kelmese, inDrive qosymşasyndaǧy «Saudalaspau» tarifın taŋdauǧa bolady. Jolaqy avtomatty türde eseptelıp, tapsyrys bermei tūryp körsetıledı. Baǧany bırden rastap, kölık ızdeuge kırıse alasyz.
Būqaralyq ıs-şaralardy eskerıŋız
Konsertterden, sporttyq matchtardan jäne basqa da ırı ıs-şaralardan keiın köptegen adam bır mezette kölık şaqyrady. Mümkındık bolsa, qai uaqytta qaitatynyŋyzdy aldyn ala josparlap qoiyŋyz.
Ärtürlı kölık türlerın qatar paidalanyŋyz
Keide joldyŋ bır bölıgın avtobuspen nemese metromen jürıp, qalǧan qaşyqtyqqa kölık şaqyru tiımdırek. Äsırese marşruttyŋ negızgı bölıgı keptelısı köp köşeler arqyly ötse, būl täsıl uaqyt pen aqşany ünemdeuge kömektesuı mümkın.
