«سۋ تاسىسا – جار قۇلايدى، كوپ تولقىسا – حان قۇلايدى.» سۋ جايلى ماقال بىلەسىز بە؟

سۋ تاقىرىبىنداعى ماقال-ماتەلدەردىڭ كوبى كۇندەلىكتى ومىردە ايتىلا بەرمەيدى. وسىناۋ قاناتتى سوزدەردىڭ استارى ومىردەن الىنعانى بەلگىلى. وعان دالەل – سوڭعى اپتاداعى سۋ تاسقىنى. «قىستا – ارباسىن، جازدا شاناسىن دايىنداۋ» ءۇردىسى ۇزىلگەن جەردەن پروبلەما باستالادى. تومەندەگى ماقال-ماتەل توپتاماسىنىڭ دا ءوز ايتارى بار.   ⋆⋆⋆ الىستان ۇرگەن يت قاپپاس، تومەننەن تورگە سۋ اقپاس. ⋆⋆⋆ الپىس كۇن تاسىعان سۋ التى كۇندە قايتار. ⋆⋆⋆ اعىن سۋ جولىن تابادى، اق ادام وڭىن تابادى. ⋆⋆⋆ اقىلى ازدىڭ اشۋى كوپ، تاياز سۋدىڭ تاسۋى كوپ. ⋆⋆⋆ اتاڭ مۇراپ بولسا دا اتىزدان كەتپە. ⋆⋆⋆ استاۋىنا قاراي – قاۋعاسى. ⋆⋆⋆ باي – بايعا قۇيادى، ساي – سايعا قۇيادى. ⋆⋆⋆ بۇلاققا بۇلاق قوسىلسا، ەگىزبىز دەيدى، كولگە كول قوسىلسا، تەڭىزبىز دەيدى. ⋆⋆⋆ ءبىر كىسى قازعان قۇدىقتان مىڭ كىسى سۋ ىشەدى. ⋆⋆⋆ داريا تولى سۋ بولسا، يت تىلىمەن سۋ ىشەر. ⋆⋆⋆ ەدىل ەل بولىپ كەلگەنگە سۋ بولادى، ەدىرەيىپ كەلگەنگە ۋ بولادى. ⋆⋆⋆ ەتىگىڭدى شەشپەي سۋعا تۇسپە. ⋆⋆⋆ جايداق سۋ جاي اعادى. ⋆⋆⋆ جاقسى مۇراپتىڭ سوڭىنان سۋ ەرەدى، جامان مۇراپتىڭ سوڭىنان شۋ ەرەدى. ⋆⋆⋆ جامان سايدىڭ سۋى تاسىسا، وتكەل بەرمەس. ⋆⋆⋆ جامان سايعا سۋ تۇسسە، وتكەل بەرمەس كەشۋگە، جامان كىسىگە مال بىتسە، سۋسىن بەرمەس ىشۋگە. ⋆⋆⋆ جاتقان تاستىڭ استىنا سۋ بارمايدى. ⋆⋆⋆ جەتى كۇن جاۋعان جاڭبىردان جەلىپ وتكەن سۋ ارتىق ⋆⋆⋆ جەر تەگىس بولسا، سۋ سىلدىراپ اقپاس ەدى. ⋆⋆⋆ جەمەس جەردە ەت بار، ىشپەس جەردە سۋ بار. ⋆⋆⋆ جىلاي - جىلاي ارىق قازساڭ، كۇلە - كۇلە سۋ ىشەرسىڭ. ⋆⋆⋆ يىققا شاق يىناعاش. ⋆⋆⋆ كول كولگە قۇيادى، سەل سەلگە قۇيادى — شۇقاناققا دىم دا جوق. ⋆⋆⋆ قار سۋىنىڭ تاسقىنىن قاسقالداق كورمەس. ⋆⋆⋆ قىلىشتى قىناپ ساقتايدى، سۋدى مۇراپ ساقتايدى. ⋆⋆⋆ وت — ارىق، سۋ — سەمىز. ⋆⋆⋆ وزەن اقسا — كول، داريا اقسا — سەل. ⋆⋆⋆ وزەن سۋىن جاڭبىر تاسىتادى، ادام قادىرىن ەڭبەك اسىرتادى. ⋆⋆⋆ ولمەگەن قۇل التىن اياقپەن سۋ ىشەر. ⋆⋆⋆ وتكەلسىز وزەن – اسۋسىز كەزەڭ. ⋆⋆⋆ وتكەلىن بىلمەي وزەنگە تۇسپە. ⋆⋆⋆ تاۋدى، تاستى سۋ بۇزادى، ازاماتتى ءسوز بۇزادى. ⋆⋆⋆ ساي قۋالاپ سۋ اعار، جەل قۋالاپ وت جانار. ⋆⋆⋆ ساسىق سۋعا اشا بۇتاق بىتەدى. ⋆⋆⋆ ساياز سۋ سارقىراپ اعادى. ⋆⋆⋆ سەڭ جۇرەدi كوكتەمدە استان-كەستەڭ، اق اتاننىڭ باۋىرىن ارقان كەسكەن. ⋆⋆⋆ سۋ بايلىق – التى ايلىق، قار بايلىق – ءۇش ايلىق. ⋆⋆⋆ سۋ اياعى – قۇردىم. ⋆⋆⋆ سۋ باسىنان بۇزىلادى. ⋆⋆⋆ سۋ تاسىسا – جار قۇلايدى، كوپ تولقىسا – حان قۇلايدى. ⋆⋆⋆ سۋ پاتشاسى – مۇراپ، ءتۇن پاتشاسى – شىراق. ⋆⋆⋆ سۋعا تۇسپەي، تەڭىز كەشپەيسىڭ. ⋆⋆⋆ سۋعا كەتكەن جاڭقاعا جارماسادى. ⋆⋆⋆ سۋدىڭ كەپكەنى - تىرشىلىكتىڭ كەتكەنى. ⋆⋆⋆ سىلدىرسىز اققان سۋدان بەز. ⋆⋆⋆ سۋ بەرگەننىڭ ساۋابى بار، سۋ توككەننىڭ جاۋابى بار. ⋆⋆⋆ سۋ كەتسە، تاس قالادى، سۇرمە كەتسە، قاس قالادى. ⋆⋆⋆ سۋ قاتايسا مۇز بولار. ⋆⋆⋆ سۋ ىشەر ارىعى جوق ەلدىڭ ءسۇزىپ الار بالىعى جوق. ⋆⋆⋆ سۋدىڭ جولىن قۇم بوگەر، ەردىڭ جولىن سۇم بوگەر. ⋆⋆⋆ سۋدىڭ تەرەڭ-سايازىن اعىسىنان بىلەرسىڭ، اتتىڭ جاقسى، جامانىن شابىسىنان بىلەرسىڭ. ⋆⋆⋆ سۋدىڭ ءتۇبىن شىم بەكىتەدى، ءسوزدىڭ ءتۇبىن شىن بەكىتەدى. ⋆⋆⋆ تاستا تامىر جوق، سۋدا قايماق جوق. ⋆⋆⋆ تەرەڭ سۋدىڭ اعىسى بىلىنبەس. ⋆⋆⋆ «تەسىكسىڭ» دەپ ەلەك شەلەككە كۇلەدى. ⋆⋆⋆ حالقىن ويلاماعان حان سەمىز، دۇنيە وعان – سۋ، تەڭىز.  

 «ادىرنا» ۇلتتىق پورتالى