İspaniianyŋ Bilbao qalasynda Netflix platformasy üşın Stalin däuırındegı eŋ ırı lagerlerdıŋ bırı QarLAG turaly auqymdy qazaq-ispan filmınıŋ tüsırılımı bastaldy. Şartty türde «Tatulasu» (La Tregua) dep atalatyn joba Netflix-pen ekskliuzivtı kelısım-şart boiynşa jüzege asyryluda. Būl onyŋ joǧary deŋgeiı men halyqaralyq maŋyzdylyǧyn körsetedı, dep habarlaidy “Adyrna” ūlttyq portaly QazTAG-qa sıltep.
Jobany «Money Heist» serialynyŋ arqasynda älemge tanymal bolǧan äigılı rejisser Migel Anhel Vivas tüsıredı. Tüsırılımge ispan jäne qazaq kinosynyŋ jūldyzdary qatysuda.
Sezar Benites, Emilio Amare jäne Emilio Pina basqaratyn ispandyq Plano a Plano kinokompaniiasy prosestıŋ köp bölıgıne jauapty. Qazaqstandyq tarapty filmnıŋ bas prodiuserı bolyp Amanat Qonaqbaev basqaratyn «Amanat Capital» kompaniiasy tanystyrady. Prodiuserlık toptyŋ qūramynda Däuren Baiǧaliev, Dair Qarakeev jäne UMAIFILM prodiuserı Jarashan Qūlpienov pen Äliia Dalabaeva da bar.
Qazaqstandyq komandany belgılı media menedjer, jurnalist jäne prodiuser Erlan Bekhojin üilestıredı.
Filmnıŋ siujetı QarLAG-qa tap bolǧan adamdardyŋ taǧdyry, olardyŋ ömır süru jäne adamdyq qadır-qasietın saqtau üşın küresı turaly baiandaidy. Film europalyq jäne qazaqstandyq közqarastardy üilestıre otyryp, tarihtyŋ az tanys betterın qamtudaǧy erekşe täsılımen aiqyndalady. Qazaq pen ispan kinosynyŋ üilesuı bızge ärtürlı täsılder men ideialardy bırıktırıp, şynaiy jäne qyzyqty tuyndy jasauǧa mümkındık berdı.
1930-1950 jyldardaǧy QarLAG atmosferasyn jaŋǧyrtqan dekorasiia mūraǧat qūjattary men tarihşylardyŋ keŋesterı eskerıle otyryp salynǧan. Ärtısterdıŋ kostiumderı mūraǧat materialdary negızınde qaita jasaldy. Batyrlar beinelerı boiynşa mūqiiat jūmys jürgızıldı.
Basty rölderdı tanymal ispan akterlerı Migel Erran (“Aqşany ūrlau” telehikaiasyndaǧy Rio rölımen tanymal) jäne Aaron Pipper (“Elit” dramasyndaǧy Andrea Munos rölımen tanymal), sondai-aq qazaqstandyq akterlar Dina Tasbolatova, Altynai Nögerbek, Sergei Ufimsev jäne Farabi Aqközov bar. Rejisser Vivas keiıpkerlerdıŋ tereŋ emosiialary men kürdelı taǧdyrlaryn jetkızude olardyŋ talanty men harizmasyna süienıp, osy akterlerdı taŋdaǧan.
«Būl joba – halyqaralyq yntymaqtastyqty damytudaǧy maŋyzdy qadam. Bız onyŋ ıske asuyna mūqiiat daiyndaldyq, joǧary standarttar men jahandyq äleuetke erekşe nazar audardyq. Qazırgı älem kürdelı syn-qaterlermen jäne özara tüsınıstık ızdenısterımen betpe-bet kelıp tūrǧan kezde, mūndai jobalar önerdıŋ adamdardy bırıktıre alatynyn körsetedı. Bızdıŋ maqsatymyz – körermenderdıŋ jüregıne jol tabatyn, Qazaqstannyŋ älemdık arenadaǧy maŋyzdylyǧyn aiqyn däleldeitın film jasau», – dedı qazaqstandyq taraptyŋ bas prodiuserı Amanat Qonaqbaev.
Jobanyŋ bas prodiuserı Erlan Bekhojin būl jobanyŋ maŋyzdylyǧyn erekşe atap öttı.
«Bızdıŋ filmımız älemnıŋ milliondaǧan adamyna Qazaqstannyŋ tarihy, onyŋ köpqyrly mädenietı, ortaq qūndylyqtary men tarihi jad turaly tereŋırek bıluge kömektesedı dep ümıttenemın. Filmde qazaq tılı estıledı, jäne onyŋ maŋyzdy ideiasy bar: türlı ūlt ökılderınıŋ taǧdyry osy bır jerge toǧysyp, qazaq halqy barlyǧyn bauyryna basty. Qazaqstan milliondaǧan adam üşın keŋ peiıldı, tözımdı, meiırımdı ekınşı Otanǧa ainaldy. Mümkın, köptegen adamdar osy filmnen eŋ qiyn daǧdarys jaǧdailarynda adamnyŋ adam bolyp qala beruınıŋ jäne özınıŋ qadır-qasietın saqtai aluynyŋ jauabyn tabar. Qiyn geosaiasi jaǧdaiǧa jäne közqarastardaǧy aiyrmaşylyqtarǧa qaramastan, ärqaşan dialog pen ymyraǧa oryn bar. Būl jai ǧana körkem film emes, būl – KarLAG-ta auyr synaqtardan ötkenderge arnalǧan taǧzym. Bız rejisser Migel Anhel Vivastyŋ daiyndyq prosesındegı jūmysyna jäne ispandyq prodiuserlermen üilesımdı komandalyq jūmysyna täntı boldyq», – dedı Erlan Bekhojin.
Tüsırılım 2,5 aiǧa sozylyp, Bilbao qalasynda ötedı.
Būl – Netflix-pen alǧaşqy yntymaqtastyq, ol qazaqstandyq kinematografiiaǧa jaŋa kökjiekter aşyp, milliondaǧan jahandyq auditoriiaǧa qol jetkızuge mümkındık beredı jäne Qazaqstannyŋ älemdık kino arenasyndaǧy maŋyzdy oiynşy retındegı märtebesın nyǧaitady.
Filmnıŋ avtorlary synşylardyŋ oŋ baǧasyn alyp, tuyndyny bedeldı kinofestivalderde ūsynudy josparlap otyr, būl onyŋ halyqaralyq arenadaǧy märtebesın odan ärı küşeitedı dep ümıttenedı.
