QR Eńbek jáne halyqty áleýmettik qorǵaý mınıstrligi, Kóshi-qon komıteti tóraǵasynyń mindetin atqarýshy Ilııas Ispanov qazir elimizde qansha reseılik qashqyn bar ekenin baıandady. Onyń aıtýynsha, elde 298 myńǵa jýyq Reseı azamaty bar, onyń 30 myńy Qazaq elinde turaqty jumys istep júr. Bul jaıly "Adyrna" ulttyq portaly habarlady.
Reseıde soǵysqa oraı mobılızaııa jarııalanǵaly beri Qazaq eli aýmaǵyna 837 myń adam kelip, 780 myń adam ketkenin atap ótti.
"Búgingi tańda elimizde ártúrli sebeptermen 298 myńǵa jýyq reseılik júr. Onyń ishinde 30 myń adam kelisim-shart boıynsha jumys isteıdi, sonyń negizinde ýaqytsha turý tirkeýi bar. Qazaqstanda 20 myńǵa jýyq stýdent oqıdy", - dedi Ilııas Ispanov.
Sonymen qatar keıbir Reseı azamaty Qazaqstandy tranzıttik el retinde paıdalandy. 21 qyrkúıekten beri 198 myńǵa jýyq adam Qazaqstan arqyly basqa elderge ushyp ketken.
Eske sala keteıik, 21 qyrkúıekte Reseı prezıdenti Vladımır Pýtın ishinara mobılızaııa jarııalady. Ol shara 31 qazanda aıaqtaldy.
"Adyrna" ulttyq portaly
