Almaty qalasy A.P Chehov atyndaǵy qalalyq ortalyq kitaphanada Qoǵamdyq damý basqarmasynyń qoldaýymen "Adyrna" ulttyq-etnografııalyq birlestiginiń uıymdastyrýymen "Alash arystary jáne asharshylyq" atty ǵylymı-tájirıbelik konferenııa ótti.
Konferenııa jumysyna belgili tarıhshy ǵalymdar men úkimettik emes uıymdardyń ókilderi, qoǵam qaıratkerleri qatysty.1931-1933 jyldardaǵy asharshylyq pen 1937-38 jyldardaǵy saıası qýǵyn-súrgin týraly baıandamalar jasalyp, osy salany zertteýshi tarıhshy ǵalymdardyń pikirleri talqylandy.
"Rýhanı jańǵyrý" gýmanıtarlyq zertteýler ortalyǵynyń jetekshisi, QR Ulttyq ǵylym Akademııasynyń akademıgi,tarıh ǵylymdarynyń doktory, professor Hankeldi Ábjanov konferenııanyń moderatory boldy.
Belgili ǵalym, ónertanýshy, etnograf, Tynysbek Qońyratbaı "1937-1938 jyldardaǵy qýǵyn-súrgin" taqyrybynda baıandama jasady.
"Asharshylyqtyń zardaptary men sebepteri" týraly saıasattanýshy, tarıh ǵylymdarynyń doktory Ázimbaı Ǵalı talqylady.
Alash akrystarynyń urpaqtary, Muqan Ábdiramanuly (Sultanbek Qojanovtyń urpaǵy), Dına Muhamedhan (Qaıym Muhamedhanovtyń urpaǵy), Saltanat Mustafına (Beıimbet Maılınniń urpaǵy), Janna Shanına (Jumat Shanınnyń urpaǵy) sóz sóılep, atalary jaıly ádemi áńgime órbitti.
Aqyn, Ábýbákir Qaıran "Alashorda" jaıly óleńin oqydy.
Dástúrli ánshi Erkin Shúkimán "Alash arystary jáne olardyń mýzykalyq murasy" taqyrybynda baıandama jasasa, shákirti Birjan Aıtahmet belgili aqyn Serik Qalıevtiń áni men sózine jazylǵan Alash arystary jaıly ánin oryndady.
