Taldyqorǧan qalasyndaǧy Nazarbaev Ziiatkerlık mektebınıŋ tülegı Nazgül Säkenova Garvard universitetınde doktorlyq dissertasiiasyn tanystyrdy.
Nazgül jas ǧalym. Germaniiadaǧy Geidelberg universitetınde doktoranturada oquyn aiaqtauda. Qazırgı taŋda medisina salasyndaǧy eŋ özektı mäselelerdıŋ bırı – bakteriialardyŋ antibiotikterge tözımdılıgın zerttep, jaŋa ädıs boiynşa būrynǧydan 6 ese köp jaŋa antibiotik jūptaryn potensialdy em retınde ūsynyp otyr.
Nazgül NIS – tı 2013 jyly üzdık bıtırıp, Nazarbaev universitetınıŋ biologiia mamandyǧyna oquǧa tüstı. Niu-Iork universitetı men Boston universitetı siiaqty bırneşe amerikandyq universitetterge bırden şaqyru alǧan daryndy qyz Fransiianyŋ Parij-Sakle zertteu universitetınde magistraturany oqyp, sättı aiaqtady.
Bügın ol medisina ǧylymdarynyŋ doktory atanu jolynda. Germaniiadaǧy Europalyq molekulalyq biologiia zerthanasynda ǧylymi qyzmetpen ainalysady. Bes jyldan berı antibiotikterge tözımdılık salasynda ǧylymi jūmystar jürgızıp keledı.
Doktorlyq dissertasiiasy aiaqtalyp, zertteuınıŋ nätijesımen bölısude.
Soŋǧy 30 jylda jaŋa antibiotikterdı tabu qarqyndy baiaulap, kerısınşe olarǧa degen bakteriialardyŋ tözımdıgı qarqyndy ösıp barady. Nätijesınde, 2019 jyly qoldanystaǧy antibiotikterdıŋ älsızdıgınen 1 millionnan astam adam qaitys boldy. Oǧan qosa, bır antibiotikke bakteriianyŋ tözımdılıgı basqa antibiotikterge de Ūlǧaiǧan Tözımdılıgıne aparyp, odan saiyn mäselenı uşyqtyrady. Sebebı, emge qoldanylatyn antibiotikter sany azaiady. Bır ǧajaby, däl sol bır antibiotikke bakteriianyŋ tözımdılıgı basqa antibiotikterge bakteriianyŋ kerısınşı Saldarly Sezımtaldyǧyna äkeluı mümkın! Jäne būl ülken klinikalyq mümkındık qoi! — deidı jas ǧalym.Jas ǧalym «himiialyq genetika» ädısın ūsynady. Ǧalymnyŋ aituynşa, būl öte jüielı, jyldam jäne auqymdy.
Bız jaŋa ädıs boiynşa būrynǧydan 6 ese köp jaŋa antibiotik jūptaryn potensialdy em retınde ūsynyp otyrmyz. Onymen ǧana toqtamai, bız nege antibiotik jūptaryna bakteriia keide tözımdı al keide sezımtal bolatynyn genetikalyq tūrǧyda anyqtadyq. Jaŋa ädıspen belgılı mehanizmderdı rastap, jaŋalaryn aştyq. Osy jūmysymyz bolyşaqta adam ömırın saqtap, adamzatqa paidasyn äkelse eken degen nietpen eŋbektendık, — dep jaŋa ädısın tanystyrdy.Osy jyldyŋ nauryz aiynda Nazgül Säkenova Garvardta doktorlyq dissertasiiasyn ūsynǧan bolatyn. Onyŋ jūmysy ǧalymdar arasynda ülken qyzyǧuşylyq tudyrdy. Qazırgı uaqytta ol Garvard universitetınde jūmys ısteuge şaqyru aldy.
Mektep bılımınıŋ, boiymnan ǧylymǧa qūştarlyqty körıp, qabıletımdı jan-jaqty aşa bılgen ūstazdarymnyŋ arqasynda maqsatyma jetıp, ömırlık jolymdy taptym. Būryn därıger boludy armandasam, endı ǧalym, medisina ǧylymdarynyŋ doktory boluǧa mümkındıgım bar, - dep sūhbatyn NIS tülegı tüiındedı.
