Elordada ekı aiǧa sozylǧan komandalyq şahmattan BAQ ökılderı arasyndaǧy chempionat öz märesıne jettı. Alǧaşqy mausymnyŋ şeşuşı oiyndary ötıp, «Adyrna» komandasy jeŋıske jettı.
BAQ liganyŋ basqa bäsekelerden aiyrmaşylyǧy – mūnda tek BAQ ökılderı qatysa alady. Alǧaş 2016 jyldyŋ jeltoqsanynda bastalǧan jobaǧa bügınge deiın 70-ten astam BAQ redaksiialarynan 1000-ǧa juyq BAQ ökılderı qatysty.
BAQ ökılderı arasynda alǧaş ret ötken komandalyq şahmat chempionatyna elımızdıŋ ärtürlı jurnalisterınen qūralǧan 6 komanda qatysty. Toptyq turnirdıŋ nätijesınde jartylai finalǧa joldama alǧan 4 komanda belgılı boldy. Olar: «Qazmedia» ortalyǧy, «Dıxınews.kz» saity, «Qazaqstan» ūlttyq arnasy jäne «Adyrna» ūlttyq portaly.
Komandalyq şahmattyŋ klassikalyq şahmattan erekşelıgı – mūnda bır taqtada 4 oiynşydan bölıngen ekı komanda oinaidy. Partiia 36 jürısten tūrady. Alǧaşqy 12 jürıste oiynşylar bır-bırımen aqyldaspai, kezegımen jüredı. Kelesı 12 jürıste özara talqylasuǧa mümkındık alady. Eger osy aralyqta da jeŋımpaz anyqtalmasa, onda soŋǧy 12 jürıs bolyp, oiynşylar bır-bırımen aqyldaspai jüredı. Är komanda qūramynda kem degende bır äiel jurnalist boluy kerek.
«Chempion boldyq, turnirdıŋ «Myrzasy» da atandyq, tıptı «Qūrmet» nominasiiasyn da aldyq. Ne kerek basqa? Endı Europaǧa kete beruge bolady! Baqliga şahmat turnirı ekı ai degende märesıne jettı. Arman Äubäkır bastaǧan «Adyrna» komandasy üzdık atandy. Finalda Qazaqstan telearnasyn jeŋdık. Negızgı favorit qarsylas Kazmedia edı, olardyŋ asyǧy alşysynan tüspedı.
Äziz Jūmadıl myqty şou-turnir ūiymdastyra aldy. Kelesı mausymda komandalar sany būdan da köp bolary sözsız, ärıptester, osy bastan daiyndalyŋyzdar», - dep äleumettık jelıde jazba jariialady komanda oiynşysy Asqar Bekov.
Komandalyq şahmattan BAQ liga bırınşı mausymynyŋ basty aqparattyq qoldauşysy - «Adyrna» ūlttyq portaly. Agenttık basşysy, komanda jetekşısı Arman Äubäkır joba jaily:
«Baqliga ūiymdastyrǧan şahmat jarysy keremet deŋgeide ötude. Emosiiaǧa, stress pen quanyşqa toly tartysty oiyn ötıp jatyr. «Adyrna» ūlttyq portaly da osy oiynǧa öz komandasyn qosyp jatyr, sondai-aq aqparattyq demeuşılerdıŋ qatarynda. Iаǧni bız de saiysqa öz ülesımızdı qosyp jatyrmyz. Osyndai mändı ärı qyzyqty oiyndar bolaşaqta ary qarai jalǧasyn tabuyna tılektespız», - dep pıkırın bıldırdı.
«Adyrna» ūlttyq portaly
Ūqsas jaŋalyqtar
