الماتى قالاسى ا.پ چەحوۆ اتىنداعى قالالىق ورتالىق كىتاپحانادا قوعامدىق دامۋ باسقارماسىنىڭ قولداۋىمەن "ادىرنا" ۇلتتىق-ەتنوگرافيالىق بىرلەستىگىنىڭ ۇيىمداستىرۋىمەن "الاش ارىستارى جانە اشارشىلىق" اتتى عىلىمي-تاجىريبەلىك كونفەرەنتسيا ءوتتى.
كونفەرەنتسيا جۇمىسىنا بەلگىلى تاريحشى عالىمدار مەن ۇكىمەتتىك ەمەس ۇيىمداردىڭ وكىلدەرى، قوعام قايراتكەرلەرى قاتىستى.1931-1933 جىلدارداعى اشارشىلىق پەن 1937-38 جىلدارداعى ساياسي قۋعىن-سۇرگىن تۋرالى باياندامالار جاسالىپ، وسى سالانى زەرتتەۋشى تاريحشى عالىمداردىڭ پىكىرلەرى تالقىلاندى.
"رۋحاني جاڭعىرۋ" گۋمانيتارلىق زەرتتەۋلەر ورتالىعىنىڭ جەتەكشىسى، قر ۇلتتىق عىلىم اكادەمياسىنىڭ اكادەميگى،تاريح عىلىمدارىنىڭ دوكتورى، پروفەسسور حانكەلدى ءابجانوۆ كونفەرەنتسيانىڭ مودەراتورى بولدى.
بەلگىلى عالىم، ونەرتانۋشى، ەتنوگراف، تىنىسبەك قوڭىراتباي "1937-1938 جىلدارداعى قۋعىن-سۇرگىن" تاقىرىبىندا بايانداما جاسادى.
"اشارشىلىقتىڭ زارداپتارى مەن سەبەپتەرى" تۋرالى ساياساتتانۋشى، تاريح عىلىمدارىنىڭ دوكتورى ءازىمباي عالي تالقىلادى.
الاش اكرىستارىنىڭ ۇرپاقتارى، مۇقان ءابدىرامانۇلى (سۇلتانبەك قوجانوۆتىڭ ۇرپاعى), دينا مۇحامەدحان (قايىم مۇحامەدحانوۆتىڭ ۇرپاعى), سالتانات مۇستافينا (بەيىمبەت ءمايليننىڭ ۇرپاعى), جاننا شانينا (جۇمات شانيننىڭ ۇرپاعى) ءسوز سويلەپ، اتالارى جايلى ادەمى اڭگىمە ءوربىتتى.
اقىن، ابۋباكىر قايران "الاشوردا" جايلى ولەڭىن وقىدى.
ءداستۇرلى ءانشى ەركىن شۇكىمان "الاش ارىستارى جانە ولاردىڭ مۋزىكالىق مۇراسى" تاقىرىبىندا بايانداما جاساسا، شاكىرتى ءبىرجان ايتاحمەت بەلگىلى اقىن سەرىك قاليەۆتىڭ ءانى مەن سوزىنە جازىلعان الاش ارىستارى جايلى ءانىن ورىندادى.
