Teń múmkindikter

3694
Adyrna.kz Telegram

Taldyqorǵan qalasyndaǵy Nazarbaev Zııatkerlik mektebiniń 11-synyp oqýshysy Anar Nurmahan kózi nashar kóretin jaıaý júrginshilerge daýysty baǵdarsham ornatýdy usynyp otyr. Bul týraly Óńirlik kommýnıkaııalar qyzmetiniń alańynda ótken brıfıngte belgili boldy.

Qazaqstanda 160 000-nan astam kórý qabileti buzylǵan adamdar bar jáne olar bir qaraǵanda qarapaıym nárselerde, mysaly, joldan ótý sııaqty únemi kóptegen qıyndyqtarǵa tap bolady.

Anar joba jetekshisi, fızıka pániniń muǵalimi Damır Týlegenovpen birge biregeı qurylǵynyń jobasyn jasady.

 Taldyqorǵanda 200-den astam baǵdarsham bolsa, onyń az ǵana bóligi ótkel sıgnalynyń dybystyq súıemeldeýine arnalǵan qurylǵylarmen jabdyqtalǵan. Al eger mundaı baǵdarshamǵa kózi nashar kóretin adam kelse, onda ol qazir qaı baǵdarsham janyp turǵanyn, qaı baǵytta júrý kerektigin anyqtaı almaıdy, – deıdi jas ónertapqysh.

Modýl - daýys zoraıtqyshty ornalastyratyn blok retinde jasalǵan. Jasyl sıgnal qosylǵanda, kósheniń ataýy týraly dybystyq sıgnal beriledi, sodan keıin jasyl sıgnaldyń aıaqtalýyna deıingi sekýndtardaǵy ýaqyt habarlanady jáne sońǵy sekýndta STOP aıtylady!

 Qurylǵynyń ereksheligi – daýystyq habarlamalar memlekettik tilde. Qurylǵy kún men túndi anyqtaý fýnkııasyna ıe, al túnde dybys deńgeıi 50%-ǵa azaıtady, sonymen qatar ýaqyt aralyǵyn baǵdarlamalaý múmkindigin qamtamasyz etedi, —deıdi joba jetekshisi Damır Týlegenov.

Qurylǵyny zertteý jáne jobalaý barysynda Anar 419 583,10 teńge turatyn Triol-M2 sııaqty daýysty baǵdarshamnyń reseılik analogymen salystyrmaly taldaý jasady. Óz kezeginde oqýshynyń jasaǵan qurylǵynyń quny nebári 25 000 teńgeni quraıdy.

Joba Taldyqorǵan qalasyndaǵy Nazarbaev Zııatkerlik mektebi men IT-services & Education qoǵamdyq jastar birlestigi arasyndaǵy memorandým aıasynda júzege asyryldy.

Pikirler