Käsıpker Ǧalymjan Jaqiianovtyŋ «Adyrna» ūlttyq portalynyŋ üstınen jäne osy saitqa sūhbat bergen Tölen Toqtasynovtyŋ üstınen bergen şaǧymy boiynşa sot şeşımıne halyqaralyq Azattyq radiosy da nazar audardy, dep habarlaidy «Adyrna».
Azattyqtyŋ habarlauynşa, 4 nauryzda Almaty qalasynyŋ Alatau audandyq soty saiasatker, Pavlodar oblysynyŋ būrynǧy äkımı Ǧalymjan Jaqiianovtyŋ saiasatker Tölen Toqtasynov pen "Adyrna" portaly üstınen tüsırgen aryzyn jartylai qanaǧattandyrǧan.
Sud.kz saitynda jariialanǧan sot şeşımıne qaraǧanda, sot Tölen Toqtasynovty 2 qaŋtar 2023 jyly "Adyrna" portaly jäne YoutTube-ta jariialanǧan "Ǧalymjan Jaqiianovqa senıp edım" atty videosūhbattaǧy aitylǧan keibır tūjyrymdardy terısteudı mındettegen. Şeşımde sūhbattan bırneşe üzındı keltırıledı. Sot olardy "şyndyqqa janaspaidy" dep tanyǧan. Şeşımge säikes portal sol sūhbatty öşıruge tiıs. Odan bölek, Toqtasynov moraldyq şyǧyn retınde Jaqiianovqa 200 myŋ teŋge (447 dollar) töleuı kerek.
Taraptardyŋ bır ai ışınde şeşımdı apelliasiiaǧa beruıne qūqyǧy bar. Tölen Toqtasynovtyŋ advokaty Gauhar Sälımbaeva "Respublika" saityna şeşımdı apelliasiiaǧa beretının aitqan.
"Respublika" saitynyŋ jazuynşa, Jaqiianov pen Toqtasynov arasyndaǧy dau moŋǧoliialyq ALGT kompaniiasymen bailanysty. Sotqa türtkı bolǧan 2023 jyldyŋ basynda jariialanǧan dauly sūhbatta Toqtasynov Moŋǧoliianyŋ aqparat qūraldaryndaǧy materialdarǧa jäne ıskerlık qūjattarǧa süiene otyryp, Jaqiianovty "zaŋsyz biznes jürgızdı" dep aiyptaǧan. Al sūhbatta jalǧan mälımetter baryn aitqan Jaqiianov sūhbatty jariialaǧan portal men Toqtasynovty sotqa bergen.
Adam qūqyqtary men zaŋdylyqty saqtau jönındegı Qazaqstan halyqaralyq biurosynyŋ jazuynşa, sotta Jaqiianov taraby "sūhbatta keltırılgen bıraz sözder" şyndyqqa janaspaitynyn "qūr sözben emes, naqty mälımettermen, qūjattarmen jäne kuägerlerdıŋ derekterımen däleldep şyqqan".
Al Toqtasynov sotta "Respublika" saitynyŋ jazuynşa, "sūhbatta keltırgen derekterdı aşyq derekközderden" alǧanyn aityp, Jaqiianovtyŋ ar-namysyna nūqsan keltırgenın joqqa şyǧarǧan. "Adyrna" portaly ökılderı sotta "Toqtasynov būǧan deiın şyndyqqa janaspaidy dep tanylmaǧan subektivtı pıkırın jetkızgenın", Jaqiianovqa da öz pıkırın aituǧa mınber ūsynǧanyn aitqan.
Jergılıktı BAQ-tyŋ jazuynşa, Jaqiianov pen Toqtasynov alǧaş ret sottasyp otyrǧan joq. Byltyr Almaty äkımşılık soty "jala jabu ısı" boiynşa Toqtasynovty aiypty dep tanyǧan. "Respublika" saitynyŋ jazuynşa, juyrda Almatynyŋ Medeu audandyq soty Jaqiianovtyŋ Toqtasynovtyŋ äielı Alma Toqtasynovanyŋ üstınen tüsırgen aryzyn qanaǧattandyrmaǧan. Sotqa jauapkerdıŋ ALGT töŋıregındegı dau turaly jazǧan Facebook-taǧy jazbalary türtkı bolǧan.
Ǧalymjan Jaqiianov pen Tölen Toqtasynov - 2001 jyly sol kezdegı prezident Nūrsūltan Nazarbaevtyŋ rejimın synap, elde tyŋ saiasi reformalar jürgızu turaly bastama kötergen «Qazaqstannyŋ demokratiialyq taŋdauy» oppozisiialyq qozǧalysyn qūruşylardyŋ bırı. Qozǧalys ökılderı sol kezde quǧyndalyp, ūiymnyŋ özı keiın tarap ketken edı.
PS: Belgılı bolǧanyndai, 4 nauryzda jariialanǧan şeşımde sot Ǧalymjan Jaqiianovtyŋ «Adyrnaǧa» qoiǧan qarjylyq talabyn qanaǧattandyrmaǧan. Alaida sot Jaqiianov turaly aitqan Toqtasynovtyŋ sūhbatyn portaldyŋ Iýtub arnasynan alyp tastauǧa jäne sonda aitylǧandardy joqqa şyǧaruǧa mındettegen. Būl turaly Adam qūqyqtary men zaŋdylyqty saqtau jönındegı Qazaqstan halyqaralyq biurosy Ǧalymjan Jaqiianovtyŋ aryzy boiynşa jürgızılgen sot şeşımın «Jaqiianovtyŋ ar-namysyn qorǧauy» retınde baǧalady. Sol rette biuronyŋ resmi saitynda 6 nauryzda «Jaqiianov ar namysyn qorǧap şyqty» degen mälımdeme jariialandy.
“Adyrna” ūlttyq portalynyŋ basşysy, videomaterialda Toqtasynovpen sūhbattasqan jurnalist Arman Äubäkır sot şeşımıne qanaǧattanbaitynyn aitqan. Al Adam qūqyqtary men zaŋdylyqty saqtau jönındegı Qazaqstan halyqaralyq biurosynyŋ osy sot şeşımıne bailanysty tolyq emes, bırjaqty mälımetterdı terıp taratuyn «Adyrna» «adam qūqyǧyn qorǧaidy, söz erkındıgı men baspasöz bostandyǧyna janaşyr bolady degen halyqaralyq ūiymnyŋ Qazaqstandaǧy bedelı men reputasiiasyna köleŋke tüsıretın» äreket retınde qabyldaǧan.
«Adyrna» ūlttyq portaly
