“Adyrna” ūlttyq portaly 2023 jyldyŋ sala üzdıkterınıŋ taǧy bır qataryn tızbektedı. Būl jol öner, mädeniet, bılım salasynyŋ üzdık mamandary jasaqtaldy.
Jyl üzdıkterınıŋ ekınşı sanynyŋ maitalmandary tömendegı jandar:
«2023 jyldyŋ üzdık ūstazy» - Rysbek Mäuıt
Rysbek Mäuıt - “Zerdelı” aqyl-oi damytu ortalyǧynyŋ negızın qalauşy, matematik ūstaz. Bılım beru salasynda bırneşe jyldan berı janyn salyp qyzmet etıp keledı. 2017 jyly “Üzdık pedagog” ataǧynyŋ iegerı.
«2023 jyldyŋ üzdık mädeniet qairatkerı» - Asqar Naimantaev
Asqar Naimantaev - qazaqstandyq akter, satirik, teatr jäne kino rejissiorı. «Qazaqstannyŋ eŋbek sıŋırgen qairatkerı» medalınıŋ iegerı. Asqar aǧamyz 2023 jyldyŋ 2 jeltoqsanynda dünie salǧan bolatyn.
«2023 jyldyŋ üzdık etnografy» - Serık Erǧali
Qoǧam qairetkerı, mädeniettanuşy Serık Erǧali qazaq halqynyŋ tarih, ūlttyq-qūndylyq turasyndaǧy türlışe mäselelerıne belsendı pıkır bıldıruımen el esınde.
«2023 jyldyŋ üzdık ǧalymy» - Asqar Jūmadıldaev
Asqar Serqūlūly - belgılı qazaqstandyq ǧalym jäne qoǧam qairatkerı, fizika-matematika ǧylymdarynyŋ doktory (1988), professor (1990), Qazaqstan ŪǦA-nyŋ akademigı, 12-şaqyrylǧan Qazaq KSR Joǧary Keŋesınıŋ jäne 13-şaqyrylǧan Qazaqstan Respublikasy Joǧary Keŋesınıŋ deputaty.
«2023 jyldyŋ üzdık änşısı» - Dimaş Qūdaibergen
Dimaş Qūdaibergen - älemge tanymal qazaq jūldyzy. Būlbūl dauystyŋ iesı. Qazaq atauyn älemge tanytyp jürgen Qazaqstannyŋ halyq ärtısı. “Halyq ärtısı” ataǧy Dimaş Qūdaibergenge 2023 jyly berıldı.
«2023 jyldyŋ üzdık önertanuşysy» - Erlan Töleutai
Erlan Töleutai - qazaq önertanuşysy, dästürlı änşı. Töl önerımızdı därıptep jürgen asqan talant iesı.
«2023 jyldyŋ üzdık jazuşysy» - Mūhtar Maǧauin
Mūhtar Mūqanūly tarihşy, jazuşy, qazaqtyŋ auyz ädebietın zertteuşısı ǧalym. "Altyn Orda" derektı tarihi romanyn jazyp bıtırdı, 2024 jyldan bastap "Jūldyz" jurnalyna basylyp şyǧady
