«Adyrna» ulttyq portaly halyq daýsymen 2023 jyl boıynsha óz salasynda úzdik dep tanylǵan maıtalmandardy anyqtady. «Jyl úzdikterin» anyqtaý birneshe jyldan beri Facebook jelisinde saýalnama arqyly júrgizilip keledi. Bıyl da sol dástúr boıynsha jańa “úzdikter” tizimin ázirledik. Saýalnama “Shynnyń júzi” Facebook paraqshasynda ótti.
Sonymen nátıje tómendegideı.
«2023 jyldyń úzdik mınıstri» ataǵyn QR Oqý-aǵartý mınıstri Ǵanı Beısembaev ıelendi. Ol bul qyzmetke 2023 jylǵy qańtardan bastap kiristi. «Eren eńbegi úshin» medalimen marapattalǵan.
«2023 jyldyń úzdik depýtaty» ataǵyna Qazybek Isa laıyq dep tanyldy.
“Aq jol” partııasy depýtaty Qazybek Isa Májilis minberinen ulttyq qundylyq, el, jer jáne memlekettik til máselesine qatysty ótkir de ózekti taqyryptardy qozǵap júrgenimen belgili.
«2023 jyldyń úzdik ákimi» - Qyzylorda oblysynyń ákimi Nurlybek Nálibaev boldy.
Nurlybek Mashbekuly «Qurmet», «Parasat» ordenderine jáne “Qazaqstannyń qurmetti qurylysshysy” ataǵyna ıe.
«2023 jyldyń úzdik ekonomısi»- Muhtar Taıjan boldy.
Muhtar Taıjan halyq arasynda ashyqtyǵy men túrli qarjylyq saraptamalarymen este qaldy.
«2023 jyldyń úzdik saıası sarapshysy» ataýyna Dosym Sátbaev laıyq dep tanyldy. Ol bıyl túrli saıası zertteýler júrgizip, ashyq pikir bildirip, mańyzdy ózgeristerdi qalt jibermeı el jadynda qaldy.
«2023 jyldyń úzdik jýrnalısi» ataǵyn Erqanat Kópjasar ıelendi. Ulttyq arnanyń “Ashyq alań” baǵdarlamasynyń júrgizýshisi halyq arasyndaǵy túrli taqyryptardy qozǵap belsendilik tanytty.
«2023 jyldyń úzdik zańgeri» ataǵyn Baqytjan Bazarbek aldy.
Baqytjan Jumabekuly VIII saılanǵan
QR Parlamenti Májilisiniń Zańnama jáne sot-quqyqtyq reforma komıtetiniń múshesi. Májilis minberinen Zań baǵyty boıynsha mańyzdy máselelerdi qozǵaýymen este júrgen eleýli depýtattardyń biri.
«2023 jyldyń úzdik akteri» - Darıǵa Badyqova bolyp tanyldy. Saýalnama nátıjesi boıynsha birinshi oryndy ıelengen Darıǵa Badyqova bıyl tól týyndysyn usynyp, az ýaqyt ishinde mıllıardtan astam qarajat jınaǵan tanymal aktrısa.
Sońǵy nomınaııa «2023 jyldyń úzdik blogeri» ataǵy boıynsha halyq Yrysbala Ikrambaıdy ilgeriletti.
Yrysbala Ikrambaı halyq janashyry retinde tanymal bloger. Ol birneshe qazaqstandyqtarǵa baspana syılap, óziniń qaıyrymdylyq qoryn belsendi júrgizýimen el esinde.
“Adyrna” ulttyq portaly
